| ავტორი: წერტილი. ჟანრი: პოეზია 11 აპრილი, 2020 |
https://youtu.be/Vm3bXNT_te0
საკუთარ სიღრმეში - თავითგადაშვებულ შეშლილად ვიშვი.
გაგიჟდი , თუკი - საზღვრებმა მოახრჩო , შენი თავისუფალი სული, გაგიჟდი, თუკი - სხეულით გრძნობ - როგორ ცდილობს ღმერთი - შენში დაბადებას.
ჩაყვინთე ჩემთან ერთად ! შენ არ ხარ ის, ვინც გგონია რომ ხარ, შენ უფრო მეტი ხარ ! გადმოხტი! შიში არაა შენი არსი, დაყოვნებით - ვერ შეიყვარებ, ენდე საკუთარ სიბნელეს, რომელიც - მიღმიერში - შენი სულის უნატიფეს არსს მალავს.
მენდე - აქ არის ღმერთი.
და როცა ცნობიერება, ბოლომდე - იხდის სხეულს - სულის ახლართული ნათურები - ინთებიან და ჩემი თითები იწყებენ უნატიფესი წერტილებით ხლართვას.
ვარსკვლავები კისკისებენ, როცა ჩვენ ვცეკვავთ. ვარსკვლავები ცეკვავენ, როცა ჩვენ ვიცინით.
ჩვენ აქ ვართ - მარადიულად გადახლართულ ყოფიერებაში, ჩვენ აქ ვართ მთვარის ძაფებით შეერთებულ წრეში, სადაც სინათლე - უკუნს ეალერსება.
იბადები.
სამყარო ქაოსში იხლართება, ნელ-ნელა - ალღოს უღებ ამ ქაოსს და მის მოძრაობებს საკუთარი სხეულით ძერწავ. შენ ქაოსის შვილი - ჰარმონიულ მოძრაობებად თამაშობ, იცინი, რადგანაც - შენი ყველა უჯრედი - სიყვარულად ცეკვავს .
იპოვნე - შენივე არსის გარღვეული ნაწილი და მოქარგე, შენი სული - უნატიფეს სიყვარულად.
შენ აქ ხარ, გრძნობ როგორ გადაიხსნება შენი არსი სრულ ყოფიერებაში? გრძნობ , როგორ ერწყმის ქვესკნელი ზესკნელს?
გრძნობ, როგორ ვერწყმით - მე - შენ?
ერთი. მხოლოდ - ერთი არსებობს.
ისუნთქე - ერთ-ად.
აქ არ არსებობას ქრობა, აქ ყველაფერი გარდაისახება.
ყველანაირ მატერილურ არსში გავლით, სამყაროს სიღრმეში აღწევ, ცხოველის ყნოსვით შეიგრძნობ - სისხლით მატერიის - გარდასახვის მუდმივ ციკლად - ყოფიერებას, ფრინველის - ფრთები შეისხი , როდესაც სიღრმეში გაცინებული გადაეშვი, რადგანაც აქ არ არსებობს დაბრკოლება, შენ ხარ ჰაერის ნაკადი, შენ ხარ უფსკრული, შენ ხარ - ყველაფერი და ამ ფერებში ახლართულ - არსებობას სხეულის თავბრუდამხვევი მოძრაობებით ხატავ.
ეფერები - საკუთარ არსს.
შენი არსი იწვივს მარადიულ ვნებად , სიყვარულად - იშვი .
ჩემი სხეული ფუნჯია და ყოფიერებაზე საკუთარი სიცოცხლით ვხატავ - შერწყმას.
დახატე ! დახატე - სხეულით შენი უსასრულო თავისუფელბა.
ვარდნის სიმძაფრე - ტკივილებს სასიამოვნოს ხდის და წამიერ ტკივილად სხეულიდან - ამოფრინდა - უცნაური ფრინველი, ნუ შეგაშინებს - გარდა -ცვალება !
ცვალება - გარდასახვად - შეიცვლება.
სიღრმეში ხტომა, წერტილების გადახლართვა და ყველა არსების არსით - ყოფიერება, უნატიფესი ძაფით ქსოვ, საკუთარ - ენერგიებს და სამყაროს ფესვთან გადახლართვით - აყვავილდი !
იბადები !
აქ აღარაფერია უცხო, აქ ყველაფერი - შენ ხარ !
თითებით შეეხე - არსებობას, იგრძენი - სისხლის მუდმივი ჩქეფა სამყაროს - ძარღვებში, დედამიწის გულისფეთქვათ - პულსირებს - ჩემი ყოფიერება.
არსში - გადახლართულ ყოფნად - იცეკვე !
იპოვნე - ნაპრალები, გაკერე ვარსკვლავების მიერ ახლართული ძაფებით და იმოძრავე - სიყვარულად !
იმოძრავე - სიყვარულად !
შენ ხარ - მე - და ჩვენ ყოფიერებაში აცეკვებულ გველებად ვიხლართებით, ენერგიებად ვიღვრებით, ვიწამლებით - სიყვარულის შხამით და ვიკურნებით, სიძულვილის ცრემლით.
მომწამლე - შემაძრწუნებელ უკუნად და გამკურნე - უნატიფეს სინათლედ.
მიყ - ვარ - ხარ !
შერწყმით გარდასახულ ცნობიერებად - იბადები !
ამოისუნთქე - ახალშობილის პირველი ამოსუნთქვით !
ამოისუნთქე.
კომენტარები |
ილუსტრაციები |
რეცენზიები |
|
4. შავ-თეთრი იყო. მუხტი მოაქვს, მეტი არაფერი ჩემთვის შავ-თეთრი იყო. მუხტი მოაქვს, მეტი არაფერი ჩემთვის
3. ერთად მაინც შეგვებიჯებინა ამ გადახსნილობაში ადამიანებს, რა უსამართლობაა :( ერთად მაინც შეგვებიჯებინა ამ გადახსნილობაში ადამიანებს, რა უსამართლობაა :(
2. "შენ ხარ-მე "- როგორ შეკრა ამ ფრაზამ ტექსტი.
ამოსუნთქვა კი დაგვიანდა ცოტა :)
"შენ ხარ-მე "- როგორ შეკრა ამ ფრაზამ ტექსტი.
ამოსუნთქვა კი დაგვიანდა ცოტა :)
1. ჩაყვინთე ჩემთან ერთად ! შენ არ ხარ ის, ვინც გგონია რომ ხარ, შენ უფრო მეტი ხარ ! გადმოხტი! შიში არაა შენი არსი, დაყოვნებით - ვერ შეიყვარებ, ენდე საკუთარ სიბნელეს, რომელიც - მიღმიერში - შენი სულის უნატიფეს არსს მალავს.
მენდე - აქ არის ღმერთი.
თან ხარ და თან არ ხარ. ძალიან მომეწონა, უბრალოდ არ ვიცი გამოვიცნობდი თუ არა ავტორისთვის რომ არ შემეხედა, ვისი დაწერილია. ალბათ უფრო კი, მაგრამ მაინც რაღაც განსხვავებულია. ჩაყვინთე ჩემთან ერთად ! შენ არ ხარ ის, ვინც გგონია რომ ხარ, შენ უფრო მეტი ხარ ! გადმოხტი! შიში არაა შენი არსი, დაყოვნებით - ვერ შეიყვარებ, ენდე საკუთარ სიბნელეს, რომელიც - მიღმიერში - შენი სულის უნატიფეს არსს მალავს.
მენდე - აქ არის ღმერთი.
თან ხარ და თან არ ხარ. ძალიან მომეწონა, უბრალოდ არ ვიცი გამოვიცნობდი თუ არა ავტორისთვის რომ არ შემეხედა, ვისი დაწერილია. ალბათ უფრო კი, მაგრამ მაინც რაღაც განსხვავებულია.
|
|
მონაცემები არ არის |
|
|