ნინო დარბაისელი
ჩემი ლტოლვილი მეგობარი
მე თუ რამე მკლავს, ეს მეტისმეტი ზრდილობაა! (აქ - თუ ძალიან არ გაიცინებთ, მოწყალედ მაინც გამიღიმეთ) ნეტავი და, სულ არ მეკითხა ჩემი ლტოლვილი მეგობრისათვის, როგორა ხარ, თქვენები როგორ არიან-მეთქი.
როგორა ვარ და და აი, ასეო: გათხოვებით - არ გავთხოვილვარ, რამდენიც ვინმეს მოვეწონე, ეუბნებოდნენ, კარგი გოგოა…მაგრამ, იცი? - ლტოლვილიაო. ლტოლვილი - რატომ? ფეხმძიმე იყო დედაჩემი, ოცდაათისა ახლა ვსრულდები, დაბადებით - აქ დავიბადე და მეტრიკაშიც ასე - თბილისი მიწერია, მაგრამ მეტრიკას თან გადაშლილს ხომ არ ვატარებ,
აა, დედაჩემი?! დედაჩემი - ჩემი შვილია, ორი წელია, რაც ექიმებმა დემენცია დაუდგინეს და მე მირჩიეს, არ დაგავიწყდეს, დედაშენი - ის პიროვნება აღარ არისო, მოგიწევს ახალ ადამიანთან შეგუებაო.
ვის სად გავექცე! ვეგუები. ჩემი შვილია დედაჩემი, ვბან, ვასუფთავებ, თმას ვუვარცხნი, პაპერსებს ვუცვლი და ხელით ვაჭმევ, ოღონდ მშიაო, მეორე წუთში გაიძახის, ხან კი წყალზეც პირს მიიბრუნებს.
დედაჩემი - ჩემი შვილია! ხან დაიჟინებს, რას მეუბნებით, რა - ჭიბურხინჯი, ეგ სიტყვა სულ არ გამიგიაო, იქ არ მომკვდარა ფეხაუდგმელი ჩემი ბიჭი, სხვა ქალებივით მეც სანიშნებლად დიდი ხის ქვეშ არ დამიმარხავს, არც მიწვალია და დიდი ლოდი არ დამიდია, ამ ცივ ზამთარში მშიერ ნადირს სუნი არ ეცეს, მიწიდან თხრა არ დაუწყოს-მეთქი. დიდი კაცია ჩემი ბიჭი, მთავრობის კაცი, ცოლშვილიანი, დიდ სახლში ცხოვრობს და მანქანაც ემსახურება, და ხომ არ იცი, რა ვაწყენინე, ჩემს სანახავად რომ არ მოდის და არც ბავშვებს არ მაკარებსო?!
ჩემი შვილია დედაჩემი! ხან - სულ ცოტა ხნით, ძველებურად, ჭკვიანურად მოიკითხავს, ერთი, ნახეო, ქვემო უჯრაში, ბენდენაში გამოკრული მიწა მიდევსო, აფხაზეთს ვინღა დამანახებს, იქაურია. როცა დამმარხავთ, გულზე პეშვით დამაყარეთო.
ჩემი შვილია დედაჩემი, ასე თუ ისე, თავი გაგვაქვს, თანდათანობით ხელში მელევა და ალბათ მალე გამიქრება და მე უშვილოდ გადავეგები.
ან ვიდრე შევძლებ, მე ვიქნები ჩემივე შვილი, ჩემი დედაც მევე ვიქნები, არ მეშინია. მიწის ზემოთ ვის დატოვებენ! შიშით კი იმას ეშინოდეს, ვისაც ამქვეყნად სასახლე აქვს, მაგრამ იმქვეყნად ერთი კენჭიც ვერ წაუღია.
აი, ასე ვარ, მე - ლტოლვილი - სამშობლოშივე, ჯერჯერობით კი მხნედ დავრჩები, ვიდრე ასეა, ჩემი შვილია - დედაჩემი!
კომენტარები |
ილუსტრაციები |
რეცენზიები |
|
6. ლაშა , ნიკე მადლობა! ლაშა, მოდით ავხსნათ, რატომ გავიმეორებდი ანუ ცვალებად რეფრენად რატომ გამოვიყენებდი ფრაზას ,,ჩემი შვილია დედაჩემი”. ამისთვის ორი მიზეზი მქონდა: 1. რეფრენი - არა მხოლოდ კომპოზიციის ასაგები, არამედ სათქმელის აქცენტირების საშუალებაცაა ლექსში, მით უფრო, თუ იგი ცვალებადია, ადგილის და აგებულების მიხედვით, ჩემს ლექსში სწორედ ასეა. 2. ფსიქოლოგიურად - ეს გამოხატავს პერსევერაციას. როდესაც ადამიანის ყურადღება განუწყვწტლივ კონცენტირებულია ერთ ობიექტზე, ამ შემთხვევაში, დედაზე, არ ხდება დომინანტურად ქცეული ცენტრის მოდუნება, გადართვა სხვა ობიექტებზე, ფსიქიკაში საწყის ეტაპზე ჯერ ამგვარ რაღაცეებს იწვევს, თუ დიდხანს გავრცელდა ეს მდგომარეობა, შესაძლებელია აშლილობაში გადაიზარდოს.
ბენდენას რაც შეეხება, მქონდა ვერსიები - ცხვირსახოცი, ხელსახოცი, პარკი, ხილაბანდი, თავშალი… თქვენ პატარა ხართ, იმ ომის ვერ მოესწრებიდით და ბენდენა - ძალიან გავრცელებული იყო, თან არატრივიალურია მხატვრულად, აგერ ხომ ხედავთ, თქვენც გაგაღიზიანათ. ამიტომ ვარჩიე “ ჩაშაქარლამებას” მკითხველის წარმოსახვის გამაღიზიანებელი ყოფილიყო ეგ მომენტი
ლაშა , ნიკე მადლობა! ლაშა, მოდით ავხსნათ, რატომ გავიმეორებდი ანუ ცვალებად რეფრენად რატომ გამოვიყენებდი ფრაზას ,,ჩემი შვილია დედაჩემი”. ამისთვის ორი მიზეზი მქონდა: 1. რეფრენი - არა მხოლოდ კომპოზიციის ასაგები, არამედ სათქმელის აქცენტირების საშუალებაცაა ლექსში, მით უფრო, თუ იგი ცვალებადია, ადგილის და აგებულების მიხედვით, ჩემს ლექსში სწორედ ასეა. 2. ფსიქოლოგიურად - ეს გამოხატავს პერსევერაციას. როდესაც ადამიანის ყურადღება განუწყვწტლივ კონცენტირებულია ერთ ობიექტზე, ამ შემთხვევაში, დედაზე, არ ხდება დომინანტურად ქცეული ცენტრის მოდუნება, გადართვა სხვა ობიექტებზე, ფსიქიკაში საწყის ეტაპზე ჯერ ამგვარ რაღაცეებს იწვევს, თუ დიდხანს გავრცელდა ეს მდგომარეობა, შესაძლებელია აშლილობაში გადაიზარდოს.
ბენდენას რაც შეეხება, მქონდა ვერსიები - ცხვირსახოცი, ხელსახოცი, პარკი, ხილაბანდი, თავშალი… თქვენ პატარა ხართ, იმ ომის ვერ მოესწრებიდით და ბენდენა - ძალიან გავრცელებული იყო, თან არატრივიალურია მხატვრულად, აგერ ხომ ხედავთ, თქვენც გაგაღიზიანათ. ამიტომ ვარჩიე “ ჩაშაქარლამებას” მკითხველის წარმოსახვის გამაღიზიანებელი ყოფილიყო ეგ მომენტი
5. "ჩემი შვილია დედაჩემი" ცოტა მომაბეზრებლად ხშირადაა . ერთიც საკმარისი იქნებოდა . ბენდენაში მიწაც არ მომეწონა , ბოდიში . 4 ქ "ჩემი შვილია დედაჩემი" ცოტა მომაბეზრებლად ხშირადაა . ერთიც საკმარისი იქნებოდა . ბენდენაში მიწაც არ მომეწონა , ბოდიში . 4 ქ
4. მშვენიერია! მშვენიერია!
3. მადლობა მუხა და ვიკა! მე ხომ დავბერდი და ვერ ვისწავლე ქების ადამიანურად შერგება. ,, ვინტები თუ არ მოვუშვი” - ლექსი თუ არ გავხსენი მოწიკწიკე საათივით და მექანიზმი თუ არ გამოვააშკარავე მკითხველის თვალწინ, მოვკვდები. მეტაფორაზე ვკითხულობდი რაღაცას და ეწერა, რომ ეს არის სხვადასხვა რიგის საგნებსა და მოვლენებს შორის იმ გვარი კავშირი, რაგვარიც სხვა არანაირი გზით არ მყარდება და რაც უფრო დაშორებულია ეს საგნები და მოვლენები ერთმანეთისგან, მით დიდია მეტაფორის მხატვრული ეფექტი…. მე მოვინდომე არ დავთანხმებოდი ამ აზრს და პრაქტიკულად, ლექსის მაგალითზე მეჩვენება ა საპირისპირო. დედა და შვილი - განა არსებობს ორი კიდევ უფრო ახლო არსება? ან მიმართება ჩემი- შენი? . ჰოდა, სწორედ ამაზე დაყრდნობით ავაგე მეტაფორა. დანარჩენი - როგორც ტექსტშია
მადლობა მუხა და ვიკა! მე ხომ დავბერდი და ვერ ვისწავლე ქების ადამიანურად შერგება. ,, ვინტები თუ არ მოვუშვი” - ლექსი თუ არ გავხსენი მოწიკწიკე საათივით და მექანიზმი თუ არ გამოვააშკარავე მკითხველის თვალწინ, მოვკვდები. მეტაფორაზე ვკითხულობდი რაღაცას და ეწერა, რომ ეს არის სხვადასხვა რიგის საგნებსა და მოვლენებს შორის იმ გვარი კავშირი, რაგვარიც სხვა არანაირი გზით არ მყარდება და რაც უფრო დაშორებულია ეს საგნები და მოვლენები ერთმანეთისგან, მით დიდია მეტაფორის მხატვრული ეფექტი…. მე მოვინდომე არ დავთანხმებოდი ამ აზრს და პრაქტიკულად, ლექსის მაგალითზე მეჩვენება ა საპირისპირო. დედა და შვილი - განა არსებობს ორი კიდევ უფრო ახლო არსება? ან მიმართება ჩემი- შენი? . ჰოდა, სწორედ ამაზე დაყრდნობით ავაგე მეტაფორა. დანარჩენი - როგორც ტექსტშია
2. არაჩვეულებრივი და უდიდესი ტკივილით სავსე! :( <3 არაჩვეულებრივი და უდიდესი ტკივილით სავსე! :( <3
1. კარგი ძვირფასო ნინო,გვეყოფა, დაგვინდე , ნუ დაგვძრაფე ესოდენ მძიმე ამბებით.. კარგი ძვირფასო ნინო,გვეყოფა, დაგვინდე , ნუ დაგვძრაფე ესოდენ მძიმე ამბებით..
|
|
მონაცემები არ არის |
|
|