ქვამ უწონობა იხალოს თავში
გადაიღვლიპოს კოპი,
ღორღი დაიპნეს ჩაქოლილი გვამის კეფასთან.
გადაამღერონ  რისხვა ნუგეშად.
დაკმაყოფილდეს ერთი აზრის ტყვეობის ნება,
ყველა ფარული სურვილიდან გამომდინარე,
რომლიდანაც ხელის აღება მორალის მოქნილ სილუეტზე
ზრუნვის ქმედება,
ან უფრო მეტიც - თვალსაჩინო მონდომებაა.
გზას ვერ იკვლევენ ერთმანეთისგან უმეტესწილად,
ასეთი მიზნით მოძრავი ხმები.
ამხელენ ყველას ვინც არაფრით არის სხვაგვარი,
უბრალოდ მათთან შედარებით - გამბედავია.
უღონო შიშით ნასაზრდოებ ადამიანში
ასე ბინადრობს მეტისმეტად კოლექტიური
და რელიგიის ტყვეობაში მყოფი ჯალათი.
ქვამ უწონობა იხალოს თავში,
ხელში ატირდეს,
გასროლილმა კი სამიზნემდე ბევრი იფიქროს,
ღირს თუ არა მოხვდეს სიცოცხლეს
და ინანოს ამდენში რომ ამოარჩიეს.
სად გაგონილა სინანულით მოცდეს მსროლელი,
ის ხომ ლოცულობს.