| ავტორი: ხურსი ჟანრი: პოეზია 29 ივლისი, 2013 |
მისი ვალი გადახდილია ყველას წინაშე , სჩანს ბოლო , მარტივი და ყოვლისმომცველი. მას დასაბამი არ გააჩნია და დარჩება საუკუნეთა მიმართ. თმები , ქარის მიერ ჩაწყვეტილი მავთულთა რიგი მთელი ქუჩის გაყოლებაზე. ძირები , გახეხილი , გამტარი ჟრჟოლის. შუბლი , მოხუცის მიერ მწვანე მინდორზე კვირაობით ნაპენტი მატყლი. წარბები , ჭაობზე ამოზრდილი ბამბუკთა წყება , ალაგ - ალაგი , მოუვლელი. ქუთუთო , ღრუბლების თექა , ხელში დიდხანს ნამუშავები , დასავლეთის ქარით გადანაყარი. წამწამები , შავმიწები გამოფორცხილი ერთჯერადად. თვალები - ნავთობი. ცხვირი - კონუსი. ლოყები , შორიდან მომავალი ტალღები სიმშვიდის მომნიჭებელი თვალის გამოყოლებისას. სხვაობა მათში ერთი ცუნი მინიმუმ. ტუჩები - ძაღლის ენა. დაცვარული. თითქოს ნედლი შეშა ცეცხლზე შეგდებული , დუჟმორეული. ნეტარია ვინც მას შესვამს. ენა , ტროტუარი დამსკდარი. საკმარისია ასანთის ღერი , ორი გრამი გოგირდით , სახის ნაშალი. საოცარი რამეა ქალის შეშლილი სახე. ხორხი , სითხის მიღებისას ესკავატორი. მექანიკა. მკერდი , დაშრეტილი , როგორც ფერდობზე გადმომავალი წყარო მიწათხრილში აორთქლებული. მუცელი , ნაპრალები. სადაც კაცის გაშლილი მტევნის ხუთივე თითი ჩატევა. უანაბეჭდოდ. იცის ქალმა ფეხმძიმობის შემდეგ კანის დახეთქვა. ვითომდა ბროწეულის სველი ტოტით ნაცემი. საშო , სამგზის ნაყოფიერი. ფეხები , ორჩა. მოძრაობა მოლოგინების შემდგომ გადასული ხასიათში. შეზრდილი. მუხლები , ხე ფესვებამდე გადანაჭრელი. წრეწირები განაყოფები. მათი გამოთვლა ასაკია ორივ სამყაროსი. წვივები , რელსები დაზიგზაგებული. ტერფები , სხვადასხვა შენკადთა აუზი მომცრო. სვლაში სიტლანქე. მიმზიდველია ქართველი ქალის უდარდელი მიხვრა - მოხვრა. ხმაში ექო , თითქო სიღრმიდან მომავალი საიდუმლო.
კომენტარები |
ილუსტრაციები |
რეცენზიები |
|
4. საკმარისია ასანთის ღერი , ორი გრამი გოგირდით , სახის ნაშალი. საოცარი რამეა ქალის შეშლილი სახე.
კიდევ ერთხელ მოვიწონებ მესამე ლექსს. მომნუსხველი ციკლია. საკმარისია ასანთის ღერი , ორი გრამი გოგირდით , სახის ნაშალი. საოცარი რამეა ქალის შეშლილი სახე.
კიდევ ერთხელ მოვიწონებ მესამე ლექსს. მომნუსხველი ციკლია.
2. მაშ, მიმიღწევია... მაშ, მიმიღწევია...
1. რახან დავიწყე თქვენი წარმოსახული ქალების თვალიერება, შევავლებ თვალს ამასაც :)
თითქოს აღმოსავლური მელოდია მესმის, "ათასერთი ღამის"...
რახან დავიწყე თქვენი წარმოსახული ქალების თვალიერება, შევავლებ თვალს ამასაც :)
თითქოს აღმოსავლური მელოდია მესმის, "ათასერთი ღამის"...
|
|
მონაცემები არ არის |
|
|