| ავტორი: ხურსი ჟანრი: პოეზია 29 აგვისტო, 2013 |
დაბადება მუსიკით. გულჩათხრობილი ღიღინი. სიმღერა ცარიელ ოპერაში. 11°c - ზე დაბლა. თავგანწირვა. ქალა , მიუდგომელი კუნძულების მხარე ორი. შუაზე გადახსნილ ქოქოსის კანი თანაბარ დისკოდ. თმები , სამტკაველზე. დახვეული ხელით - ქიმიურ. შინები , თხელი და დრეკადი. ნაწილ - ნაწილ , ღერი - ღერ. ზოგჯერ მოკუნტული მხრებში , როგორც მარიამი ჯვარცმულ იესოს წინ დაცემული. ცენტრში ქუჩაბანდი , არც ისე ბნელი. ბილიკითურთ , მდინარეში ჩადგმული დახავსებული , ან გზა ფერფლის ბაღში. შუბლი , სუფთა დაფა , Tabula Rasa - სგან განსხვავებით , ზედ მარკერგადატარებული , რომელშიც თითქოს გახსენების თეორიის გადაშლის ლაქებია შემორჩენილი. წარბები , გადახერხილი ფიჭვი , ასიოდე წლის. მანძილი ბარე რამდენიმე საჟენი. წყლის დიდი რაოდენობით , მარგალიტის წვეთებით გამომპალი. ქუთუთო , ვარდისფერმტვერწაყრილი. მოხატულ - მოპირკეთებული. წამწამები , მოკლე , თითქოს კივის კანზე გამოყრილი ნათესი , გაუთლელ - მოურწყველი. თვალები , კონიაკი , ან ლიქიორით სავსე ტკბილეული. დაგემოვნებისას საკონტროლო , მათრობელი მეტისმეტად. ბნელ მაღაროს სიღრმიდან ამოტანილი ქარვა ჯერაც გაუწახნაგებელი და ფორმაში არ მოყვანილი. ან რომელიღაც გერმანული ლუდი - უქაფო , ოთხმოცდაათზე მეტ სახეობისგან გამოცალკევებული. ბუდეში ჩამჯდარი წითელი სისხლძარღვები , როგორც ძველი ჭიქის გაბზარული კიდე. ან ელვა უეცრად გამოვარდნილი ცაზე , გველი შეჯვარებისას. ლოყები , მბზინავი სინაგოგის კედლები ხელშეუხები. მანძილი სწრაფად დასაფარი , როგორც ბავშვები გაირბენენ ხოლმე ბინძური ფეხებით მოპრიალებულ იატაკზე გაკიცხვის შიშით. შინ დაბრუნებულნი მოქანცული დღის შემდეგ. ყურები , მდიდრულ ჭიქებს ჩამოტეხილი ხელმოსაკიდი. მიუწებებელი. სერვიზიდან პორცელანის - ფაიფური. ცხვირი , ნიანგის კუდი , ცენტრ - ერთხორკლიანი. ტუჩები , დუტი. აკუპუნქტურის სტილზე ოქროს ნემსის შეყვანისას დაცლა და ჩაფუშვა , როგორც სადღესასწაულო ბუშტის , სიძველისგან ძაფსგამობმული. მათზე , ვითომდა ზამთრის ცივ ღამეს ბლაგვპირიან ნაჯახით ნაცემ ხმელ შეშის მიერ მომიფანტული ნაფოტები , არათანასწორი , თუმცა ცეცხლის დამნთები. ენა , ნოტების რვეული , გამოურკვეველ მელოდიათა აუწყობელი მთელი წყება. თითქოს ბეთჰოვენის დროში გაფლანგული საფორტეპიანო ნამუშევრები. სახე , თეთრი თეფში სატელიტის , ტალღების დამჭერი ნიშნით , შავი ლაქით , როგორც ინდური ტუშით გაფორმებული თეთრი ჩინური ქაღალდი , რომელშიც ცრემლი ლოტოსის პოზიციაში ჯდება. ნარნარებს წმინდად. რომლისგანაც თავის დაღწევა შესაძლებელია თხელ , გამხმარ ეკლებზე ჩამოკიდებით , სუნთქვაშეკრული. სახის ნერვის სამების ჩიხით თეთრ საფეთქელთა ზემოთ ასე , მეორე იარუსზე , მეჭეჭი , როგორც გადაჭრილი კუნძი , იძლევა საშუალებას სულის მოთქმის. ჩამოჯექი. მიირთვი არ დასაღვრელ ცრემლების რუდან. ეს ერთგვარი დინების სპეტაკი სათავეა - ჭაობამდე. ხორხი , როგორც ავტობუსი გრძელი , შუაოკორდეონით. წელვადი. ადამის ვაშლი , როგორც ანძა , უამრავ სისულელის გადმომცემი. მკერდი , განსხვავებული სასმისი - ფიალა. ღვთიურ სასმელით შეუვსებელი , როგორც ახალი სიცოცხლის დასაყრდენი. ხელები , ბრიტანელ რაინდთა შუბები შემართული , იდაყვში გადატეხილი. თითები , ფუნჯები უკუღმა პირით. ფრჩხილები , სხვადასხვა ფერთა კომბინაცია , როგორც საღებავ შეუმშრალ დამსხვრეულ პალიტრის ზედაპირი გლუვი. ხერხემალი , როგორც მთავარი კედელი მთელი კორპუსის შესამაგრებლად. მუცელი , ობობის მიერ მაჰმადის სახსნელად გამოქვაბულში მოქსოვილი ქსელი მაგიური , თვალსაბურავი. ძნელია მასში არ გაეხირო და მსხვერპლად არ იქცე. აქვე , ბნელი გვირაბი , გაუვალი , როგორც როკი , ჩაუხერგავი. მის იქეთ მშვიდობაა სამუდამო. მუხლები , სპარსულ ნარდზე , საყომაროდ გაგორებული დორი ჩარი. ფეხები , ოდნავ სქელი , თითქო სპილოს სინდრომით. ტერფები , დამჭკნარი ფოთლები მარიხუანის. სხეული ზოგადად დამეჭეჭებულ - დახალებული. ცალკერძ , მიმანიშნებელი ცხოვრების გზების , რომლის მიმართულება ქადაგებს ყოველგვარ წარმატებას საქმეში , ცალკერძ , ბავშვის ნახატი , რომელიც , იქნებ საკმარისზე მეტსაც კი ოცნებობდა და თვლიდა ცაზე ვარსკვლავთა ათასეულებს. ხმა , წკრიალა , როგორც კოვზის ჭიქაზე შემოკვრის შემდეგ ნაკეც - ნაკეც მომავალი ნოტი.
კომენტარები |
ილუსტრაციები |
რეცენზიები |
|
4. რატომღაც გამეფიქრა ახლა, რომ სახელები მოუხდებოდა ამ ქალ-წარმოსახვებს .
იცით, ყველა რომ მაქვს წაკითხული და სულ მგონია, რომ მოულოდნელად მთავრდება.
ფინალი მაინტერესებს ფრიად :)
ჰო, ეს ქალი ყველაზე ნაკლებად მომეწონა :)
რატომღაც გამეფიქრა ახლა, რომ სახელები მოუხდებოდა ამ ქალ-წარმოსახვებს .
იცით, ყველა რომ მაქვს წაკითხული და სულ მგონია, რომ მოულოდნელად მთავრდება.
ფინალი მაინტერესებს ფრიად :)
ჰო, ეს ქალი ყველაზე ნაკლებად მომეწონა :)
3. დაა... ჯერ ვერ მივხვდი რასთან მაქვს საქმე, მაგრამ ერთმნიშვნელოვნად მომწონს. ) დაა... ჯერ ვერ მივხვდი რასთან მაქვს საქმე, მაგრამ ერთმნიშვნელოვნად მომწონს. )
2. ძალიან, ძალიან, ძალიან მაგარი.
მსგავსი აქ არასოდეს არავისი არაფერი დადებულა.
ბრავო! ჭეშმარიტაც უსაზღვროა შემოქმედება და სიტყვის ხელოვნება.
თავფურცელი!!!
მეგობრებო და მტრებო ! ყველამ შემოიხედეთ, ნახეთ რა ხდება აქ...
ძალიან არასაკმარისი 5 ქულა ! ძალიან, ძალიან, ძალიან მაგარი.
მსგავსი აქ არასოდეს არავისი არაფერი დადებულა.
ბრავო! ჭეშმარიტაც უსაზღვროა შემოქმედება და სიტყვის ხელოვნება.
თავფურცელი!!!
მეგობრებო და მტრებო ! ყველამ შემოიხედეთ, ნახეთ რა ხდება აქ...
ძალიან არასაკმარისი 5 ქულა !
1. ყოველი ქალის დახასიათება მომწონს. რაღაც მაგიური ძალა აქვს ავტორს და არ უნდა ეხლა იმის მტკიცება რომ არაფერი განსაკუთრებული არაა და უბრალოდ ლამაზი სიყვებიაო. მძაფრად და საოცრად რეალისტურად არის გადმოცემული ყოველივე დეტალი,ისე რომ ზოგიერთში ჩემი ერთი ორი ნაცნობიც დავინახე. წარმატებები ავტორო ასე გააგრძელე. ++ ყოველი ქალის დახასიათება მომწონს. რაღაც მაგიური ძალა აქვს ავტორს და არ უნდა ეხლა იმის მტკიცება რომ არაფერი განსაკუთრებული არაა და უბრალოდ ლამაზი სიყვებიაო. მძაფრად და საოცრად რეალისტურად არის გადმოცემული ყოველივე დეტალი,ისე რომ ზოგიერთში ჩემი ერთი ორი ნაცნობიც დავინახე. წარმატებები ავტორო ასე გააგრძელე. ++
|
|
მონაცემები არ არის |
|
|