დაიგვიანეს ახლაც დღეებმა,
როგორც ყოველთვის დავაგვიანე
და ახლა თითქოს მობეზრებული
ეს ერთი წელიც უკან მიაგდე.

წევხარ და ახლა გიცქერ ფიქრიდან,
(ღრუბლებმა მთვარე შთანთქეს,გარიყეს)
და მე მიყვარხარ ახლა იმ გრძნობით
უფლის გარდა რომ ყველას ვარიდებ.

გარეთ ღრუბლები მთვარეს მალავენ!
და ქარიც ცდილობს ღამე გაგლიჯოს,
ჟრუანტელივით მივლის სხეულში
ეს ოცდამეთოთხმეტე აგვისტო.