ჩვენ მოვკვდით...
ღელეში ჩამხრჩვალ ბარტყებივით გაგვცვივდა
                                                      ღინღლი.
სხეულს დავყავართ,ჩვენს სილუეტს რომ
                                          მოგავს ოდნავ
და ოდნავ ბჟუტავს შიგ წარსული საკუთარ
                                                  ფიქრის...
ჩვენ მოვკვდით...
ჩამოვიფარეთ პირისახეს ყოფის სუდარა.
ცაცხვის სურნელით გონდამფრთხალი დავყევით
                                                დაღმართს
და ცრემლად ჟონავს სუდარიდან სევდის მუდარა.
ჩვენ მოვკვდით...
გულის ნამცეცებს მიმოვფანტავთ გზების ნაპირზე
იქნებ ბეღურა იკადრებდეს ზამთრის საკვებად
თუ კი ამ გზაზე ჩამოჯდომას წუთით აპირებს.
ჩვენ მოვკვდით...
ღელეში ჩამხრჩვალ ბარტყებივით გაგვცვივდა
                                                  ღინღლი,
ჩამოვიფარეთ პირისახეს ყოფის სუდარა
გულის ნამცეცებს მიმოვფანტავთ გზების
                                    ნაპირზე
რადგან ჩვენ მოვკვდით;მკვდარს კი გული
                                      ნეტავ უნდა რად?!
ჩვენ მოვკვდით!!!