მარადიული, ბრძენი მგზავრივით
უდაბნოში გამოჩნდა სიყვარული
და ქვიშის ტალღებზე
იები აანთო...

***
ადგილის დედა.ფერმკრთალი სახლი.
მზის სიჩუმესთან ერთად სივრციდან
ბავშვობის დროინდელი მოისმის ხმები.

***
ზოგი კალმოსანი წააგავს ფეხბურთლს,
რომელიც ათასჯერ აკენწლავს ბურთს,
მაგრამ გოლის გამტანი არაა...

***
ვით ბაღის სიღრმეში
სითბო და სურნელი,
ჩვენი სიმღერები ხარობენ ერთმანეთით.

***
დავაჟკაცებული შვილის მაჯას
ისეთი სიყვარულით ეხება,
როგორც ვადას
წინაპრის მახვილისას.

***
ამქვეყნად პირველი ტრაგედიის
მარცვალმა მაშინ დაიწყო ფეთქვა,
როდესაც დაიბადა ნიშანი კითხვისა.

***
დაეცა.ჩაიცინეს.
წამოდგა.გაუცინეს.

***
სიყვარულში იყო სუფთა
და შეურყეველი,
როგორც ჩრდილი დედამიწისა.

***
სიახლოვით გული მოუკლა.
ბოლოს წავიდა
და სიშორით გადაარჩინა.

***
და ღამის სივრცეში გამოჩნდა კოცონი,
როგორც ოქროს ზარი
ზეციდან მიწაზე დაშვებული
და ტანით ჰაერის რხევას აყოლილი.