--ტოტს ნუ მამტვრევ, მეტკინება, შემიბრალე,
ყვევილების ხომ შეიგრძენ სურნელი?

--შენი ეშხით გაზაფხული შევიყვარე,
სხვამ მიწოდოს შლეგი, თუნდაც სულელი.

--აი, ჩემი ხუთფურცელა შეარჩიე,
ჩაიფიქრე სანატრელი სურვილი...

--გადავყლაპე პაწაწუნა ყვავილი და
მოვიკალი  ერთადერთი წყურვილი.

--მადლიერი ვარ ასეთი მოპყრობისთვის,
თურმე ძალგიძს სილამაზით დატკბობა!

--არ მეგონა ყვავილს ასე თუ შეეძლო
ჩემი გულის დატყვევება, დაპყრობა.

                              ცისფერ ყვავილებს პაწაწინა ფიფქებად მათოვს,
                              გაზაფხულისკენ შენი ხიბლით მინდა სავალი.
                              რაღაც ღვთიური სურნელება ისევ  დამათრობს,
                              ბაღში ყვავილობს ათასფერი იასამანი.