დროა, სიცოცხლის რიტმს ბოლომდე ავუწიოთ,
ზურგს უკან ქირქილებენ ადამის მაგვარები,
დღეს მე ღირსებების ვმართავ აუქციონს,
გრძნობებს უანგაროს, ვყიდი ანგარებით...

ჩვენ კი, მეგობარო, ზემოთ ავუხვიოთ,
ქრება მოთმინების მტკიცე სამაგრებიც...



გაზიდეთ ყველაფერი, წაიღეთ, სამუდამოდ!
ძვირფასი ჩარჩოებიც, სულ თქვენთვის დამითმია,
უხეშად მიითვისეთ გულწრფელი კარ-მიდამო,
გრძნობებით ამოვსებულ გულების არითმია

ჩვენ კი...
უკანა კარებიდან სიშიშვლე გავიტანოთ,
სანამ მავანები ასამდე დაითვლიან...

. . . . . . . . . . . . . . . . . . . . . .

დღეს უკუვაგდებ მეფეთა,
დღეს სიცოცხლის ჟინს განვავრცობ...

ვყიდი სხეულს,
გრძნობებს,
თქვენს ნდობას
ლექსებსაც


თ ა ვ ი ს უ ფ ლ ე ბ ი ს  სანაცვლოდ!...