მშვიდად გადაყლაპე შენი წილი სიმარტოვე
ჩვენ არ ვთამაშობთ სახლობანას .
მშვიდად მიიღე სინანული, რომელსაც გაძალებენ
ჩვენ ვთამაშობთ მოჭრილ ხეებს
მათგან აშენდება მარტოობით დაღლილი სახლები
და აქაც ყველაფერი ერთმანეთს ემთხვევა.

გაიღიმე და გადათვალე დღეების მწკრივი
იმ ერთის გამოტოვებით, რომელიც მოგკლავს
და შენ მიიღებ არსებობის საშუალო ნიშანს
მერე წყნარად დაელოდები საკუთარ სახლში
როგორ მოგაკითხავენ კმაყოფილი დამკრძლავი ბიუროები
შეღავათიანი ფასებით გაიტანენ შენს მოგონებებს.


თბილია მიწა