მაისი

მაისის დილა -
ცა ცარცისფერ აკვარელს იდებს...
დილის სუსხია...
ცვარი კრთება ხავედრის მოლზე...
ფანჯრის რაფები -
ამზეურებს ქოთნის ყვავილებს...
დაორთქლილ მინას კარტებს უშლი -
სულგანაბული...
„ნათითურებში მოაქციე დილის ოცნება“


ღამე

ბნელი ღამეა -
ვარსკვლავები ბჟუტავენ ცაზე...
გიყვარს სიბნელე!...
და ამიტომ ამსგავსებ შენს თავს.
ბედნიერი ხარ! –
ნათქვამია: „ორეულებს ვერ ხვდებიანო“
შენ კი - იპოვე!
- - -
არც დღე არ გძინავს -
უძილობა დაგიმეგობრდა.
დატოვე სახლი!
ნაძვის ძირში აწვალებ თითებს.
ფიქრობ დილაზე...
„დილა შენთვის ტკივილების მეტაფორაა“