წლებია მძიმე
და
წარსულის კალენდარს ვფურცლავ -
ვეძებ ძველ ფირებს დამტვერილი კარადის თავზე
(მაშინ, როდესაც უცხო იყო ტკივილის განცდა...)
ახლა კი, როცა
საწამლავის ნისლი ჩამოწვა,
ცხოვრებას უფრო ფერგაცლილი სუდარა ეკვრის
და
ტვინში სისხლი ანევრიზმას გაითავისებს!
- - -
გართულდა!
რებუსებს ახლა იარლიყად აწევთ წაგება.
ტყდება ბოქლომი
და
გასაღებს უქრება ნირი.
აფსურდულ საკეტს -
ფორმალური ნიღაბი ეკვრის
ორადგახლეჩილ…
შავ-თეთრსა და ნაცრისფერ ზოლში!
- - -
ქაოსი...
სიბნელეს ახლა გაბოლილი მინა თუ ამსხვრევს
და
ლამფის ფითილს ფერი აწევს
უფრო არაფრის.
უხმო გოდება და ცრემლები შეაშრა თვალებს...
(დ ა ბ ნ ე ლ დ ა თითქოს!)
- - -
მღელვარე ზეცა -
ღრუბლებს უშენს არშემდგარ დილას...
მამლის ყივილიც რახანია აქ აღარ ისმის!