მე გელოდები, არ ვიძინებ, ღამეს კი სძინავს.
მე ცას შევყურებ, ცა კი თვალებს მარიდებს თითქოს,
გარედან წვიმა ეწვეთება მსუბუქად მინას
და ცივ ოთახში, ხელისგულებს ლექსები მითბობს!

უხეშ კედლებზე გაყინული ქარი ზის მეფედ,
ოთახში ყრია დამტვრეული მთვარის სხივები
და თითქოს დადის ცივ ოთახში, მუზათა სეფე
და ჩემს ზურგს უკან წკრიალებენ სველი მინები..

უშნოა ღამე, არ უხდება ძილი მე ვფიქრობ!
და გარეთ მშიერ ძაღლებივით ყეფენ ხეები
მიწა ყვირის და ჩემ სხეულში მიწისძვრა თითქოს,
ძლიერ ბობოქრობს ,მაშინ ,როცა ლექსებს ვეხები

მე გელოდები, ვერ ვიძინებ ,ღამეს კი სძინავს,
მე ცას შევყურებ ,ცა კი თვალებს მარიდებს თითქოს,
გარედან წვიმა ეწვეთება მსუბუქად მინას
და ცივ ოთახში ხელისგულებს ლექსები მითბობს...