_ქრისტე აღსდგა!
              _ჭეშმარიტად!
სული ლოცვად ღაღადებს...
თვით უფალი უზენაეს
წირვა-ლოცვას აღავლენს.

_ქრისტე აღსდგა!_ ისმის ზეცად
ანგელოზთა გალობა
და მიწიერთ ზეციური
გვეფინება წყალობა.

_ქრისტე აღსდგა!_ გვფარავდეს
ღმერთი განკაცებული,
საფლავითგან აღმსდგარი,
ზეცად ამაღლებული!
.  .  .  .  .  .  .  .  .  .  .  .  .  .  .  .  .  .
...და ვადიდოთ დასაბამი,
ოდეს ვიწყეთ წელთაღრიცხვა,
ოდეს ღმერთი განკაცდა და
მოგვევლინა დედამიწად!

ქრისტე აღსდგა, საქართველოვ!
_ქრისტე აღსდგა!
                _ჭეშმარიტად!