* * *
          (გამეღვიძა გული დამწყდა...)

ხანდახან არ მინდა დავიძინო -
იქ მუდამ შენ ხარ!..
და მე ბედნიერს, გაღვიძების მეშინია.
მეცოდება ჩემი თავი
გულდაწყვეტილი...



* * *

დავმალო, შეშლილმა გრძნობებმა
თუ როგორ წალეკეს ჯებირი?
დავმალო, რომ ჩემმა სიგიჟემ
აჯობა სულყველა გონიერს?!
- თუმც ვამბობ, ვმალავ-თქო,
შენ მაინც თვალებში კითხულობ...



* * *

ჩემს გულში ოთხი ჩიტი გალობს
ხმაშეწყობილად...
რად მინდა ნეტავ ბედნიერება
მეტი ამაზედ? მეტი სიმდიდრე!..