აგეკიდე ფიქრო, სახეტიალოდ.
ყველა დარდი გულში მივაჩუმათე.
დღეს ამინდიც სულ არ არის მტირალა,
ე.ი. ჩემს განწყობას უმართლებს...
მოვიაროთ ყველა გზაჯვარედინი,
ოთხივ კუთხით სავალს მადლი შევწიროთ.
მხოლოდ დროა გზად უჯავროდ მედინი,
ჩვენ კი იქნებ,  საჩვენო გზას ვეწიოთ...
თავგადაღმა რა მაღალი ცა არი,
ფიქრსაც ფიქრი უფრო გაუადვილდა.
თუმც, აქ უფრო სხვა რამეა მთავარი,
დაბრუნებულს, თავი დამხვდეს ადგილზე...
აგეკიდე ფიქრო, სახეტიალოდ,
ალთა-ბალთას ქამრის ბალთაც შემხსნია...
თურმე, ისევ ჩემს გარშემო ვტრიალებ,
ჰო, თავიდან გასასვლელი შემშლია...

                  07.07.12