წერილები, რომლებიც არ დამიწერია შენ არ წაგიკითხავს.
ასეა_ხოლმე. რასაც არ აკეთებ არ ჩანს.
ვერავინ ხედავს, როგორ დავაბიჯებ სანაპირო ზოლში, ტალღებთან ახლოს.
როგორ მიღიმიან თოლიები
და ზღვაც თბილია.

ვერავინ ხვდება, რამდენი რამის გაკეთება მინდა
როცა ვერაფერს ვაკეთებ.
ვერავინ ხვდება რომ მშვენივრად ვიცი, პრობლემა ჩემშია
და მაინც იგივეს მიმეორებთ.. გამოვიცვალო
ხასიათიდან ქმედებამდე, ან სულ მარტივად
მოქმედებიდან დავიწყო, რომ გამოვიცვალო.

მე ზერელე ადამიანი ვარ
რომელიც ვერ იგებს,
რომელსაც არ ესმის.
რატომ აკეთებთ.
ყველაფერს
ჩარჩოებიდან ჩარჩოებამდე.

მერე რა რომ ვერავინ დაინახავს იმას, რასაც არ ვაკეთებ.