სალამ ალეიქუმ, ქუდის მოხდით ხელზე გემთხვევით,
ორი აქლემი ტვირთი დამაქვს შვიდი წელია,
უქუდომ ქუდი მოვიხადე, სინიორ ემფიეტ
და ვაგემოვნეთ გემრიელად დუქნის შნიცელი.

უბნის მხატვრები უფუნჯებოდ, სახლის კედლები
თქვენი ფარჩებით მოფენილი(მადამ ლუსია)
ზურგი იბრუნეთ? ჩემი მხრები  კარგად გექნებათ,
გთხოვთ მოიხუროთ , არ გაცივდეთ, ზამთრის სუსხია.

ბანქო ბანგივით მოგდებიათ სულზე, არშიყობთ...
ოცნებით ისე აბინძურებთ ფიქრის სრუტეებს,
დაგაგვიანდათ, მოიცავით მთელი მაშრიყი...
შემოიხედეთ, მე აქ გელით, ძველი სასტუმრო...

რიდემოხდილი ღამეა და ცას რომ აბრუებს
გასაკვირია? გხვდებით ისევ პირველ ნომერში,
უკვე დრო დადგა, დერეფნისკენ პირი იბრუნეთ,
ხელზე გემთხვევით, სანამ წაგვშლის ქარი ნოემბრის.