ველოსიპედის საჯდომი ,შენი ხელები წინ!
ქუჩა წინ ქუჩა
შენ იცი,
რომ მე ვიცი,
თუ როგორ გხვდება სახეზე ჩემი თმები
მოვბრუნდები და გაკოცებ ლოყაზე
არა.
გუშინ-
სიცივე იყო და მეზობლები შემოდიოდნენ
ხელების გასათბობად,
ზოგი საუბრობდა ომზე,
ზოგი ნარკოტიკებზე,
ზოგიც აიფონზე,
მე და შენ ვეძებდით ,თუ როგორ მოგვეხერხებია
კოცნა
მბჟუტავ ნატურაზე
და მერე გაშალე ხელები და ჩამეხუტე,
მერე არ გიგრძვნია, როგორ გეხებოდა ჩემი მკერდი,
არ გიგრძვნია ,თუ როგორ გეხმარებოდი,
არ გიგრძვნია,თუ როგორ ვტიროდი
რადგან ვიყავი მილიარდობით ციცინათელის საჯდომი,
ძუძუსთავებზე მახურებდნენ პატარა კუდებს,
ბაგეებში მიჭერდნენ ენებს,
და შენ არ ფიქრობდი ომზე,
არც აიფონზე,
არც მეზობლის შემოსვლაზე,
მოწევაზე და გასვლაზე
არამედ ამაზე.
ველოსიპედის საჯდომი
შენი ხელები წინ
მოვბრუნდები და გაკოცებ
სანამ ახალი ომი დაიწყება
სანამ მეზობლები ჩხუბს მოინდომებენ
სანამ მოგვთხოვენ პასუხებს,რომელიც არ გვექნება
როგორც ისინი შემოსული ჩვენს საძინებელში,რომლებიც ასანთს ეძებდნენ...
ქუჩა წინ ქუჩა
შენ იცი
რომ მე ვიცი,
თუ როგორ გხვდება სახეზე ჩემი თმები
მოვბრუნდები და გაკოცებ ...