გურულ მოტივებზე

არაყს ვხუხავთ პწკალას ქვეშ
მე და ჩემი ნადები.
-შენ მიაფსი მამაშენს,
როცა ფეხზე დადგები!
პრასიც მაქვს და მაკიდოც,
მოლესილი ლობიოც.
მოხრიგინობს ა, კიდო,
ძველი ავტომობილით
მაკვარანცხი სიმონა,
გაღმა სოფლის ნაშობით.
-ბიჭო, ასე იოლად
არ ვარ შენი გამშობი!
გუზეილა, გულიკო
კიდო, ვინცხა გოგონა...
ნეტა, არ მოსულიყო
წვიმა, ახლა ორღობეს
ამოლესავს ტალახით.
-ცავ, თუ რამე მდომოდეს,
სულ მეჭამოს ბალახი...
აქეთ ნადის კაცები,
იქით კიდო - ნაშობა.
სიმონა მყავს საცემი,
მარა, გული არ შობა...
წვიმამ დასცხო იმფერმა,
ასხამს კოკისპირულად.
დამიცურდა "შიფერი",
თუმც, ვიკავებ გმირულად...
ცაზე ელვამ დაკიდა
დენის ხაზი ზიგზაგად.
გოუნათე, ა, კიდო,
მაინც მიზდა-მიზდა ხარ!
      08.08.13

პწკალა-კიბე (გურულ დიალექტზე)
ნადი-სამუშაოდ მოწვეული მეზობლები
პაწა-ცოტა
მიზდა-მიზდა - თავისთვის