ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

მოდი ტყეზე ღვინის ღელეს დავლევთ
მოდი ერთი ქრისტესისხლაც შევსვათ...
ვიდრე კიდევ ვინმე იცნობს ვინმეს
ჩემი გული გამოიცნობს შენსას...
წამო ცაო ხავსიანო თასო
დაგვეწაფე შეყვარებულ ლოთებს
მოდი... იქნებ... სიყვარულით სავსე
ეს სიცოცხლეც გათავდეს და მორჩეს...


...
ვახ რა რუხი რამეა
დუღდა კანი კაკაო
წყალში გოგო შეცეკვდა
ძუძუ ზვირთებს გაკრაო
თქვა: ცუდი ვარ მა მეო?
ვუპასუხე: კამეა!
ეს ჩემი სიელმეა
ანდა სითამამეა...

...
მთელი დღე:
ბრძოლა
ლექციები
ლექტორის ექო
ლამაზი ხალხი
მეგობარი გოგონა თალხით
(თუ კარგად მახსოვს
იმ გოგონას ვერიკო ერქვა)
თმებიც კი შავი
კისელისფრად კამკამი თვალთა...
დისერტაცია, აქ მავანნი იცავენ ხარისხს...
გლოცავდეს გოგო:
კალობანი
კოპალე
კავთა...
შენ უნდა წერო პუბლიცისტურ
რკინა-ბეტონით
რა პოეზია
რის რითმები
არც ფელეტონი!
ასე აძგერეს გულს ლახვარი
და გული ლახვარს
უნივერსტეტი წაუღია ლოთსა და ახვარს...
ბატონო მერაბ,
ქალბატონო...
ყალბი ფრაზები...
იფეთქებს ხოლმე
ირონია: გადაბრაზებად...
ხან ისე ასე
ხანაც უფრო
ასე და ისე
ვარ და უმამლეს გრძელ ყივილში
მოკლე დღეს ვივსებ...
მთელი დღე ომი...
ლექციები...
ასე მგონია:
შენი სამყარო
ღმერთო ჩემი
პოლიგონია...


...

...ის შენ იქნებოდი...
შენ მე რომ მიხდები...
ზამთრებმა დაგვტოვეს
გაყინულ ზეგნებად...
თვალები დახუჭე:
აბა თუ მიხვდები
სად დავსრულდები და
ბოლო სად მექნება...