ერთი გიჟი გოგო ვარ,
ბუტია და პრანჭია,
კი ვაბრაზებ უფროსებს,
მაგრამ მაინც არ მსჯიან.
გუშინ უფროს დაიკოს
დავუმალე კალამი,
ნახა ჩანთა_ არ იყო,
რაც არ არის, არ არის.
ჩემს პატარა ბიძაშვილს
ისე მაგრად ვაკოცე,
გაეღვიძა მძინარეს,
რად ტირისო გაოცდნენ.
ვიცვამ დედას კაბებს და
ვიხვევ ბებოს თავსაფარს,
ვუსმენ ახალ ამბებსაც,
რომ ყვებიან ხანდახან.
მიყვარს ჩიფსი, კინდერი,
კამფეტი და ნაყინი,
ვებუტები მამიკოს,
თუ არა აქვს ნაყიდი.
ყველა მიყვარს ძალიან,
მაგრამ ცემის შიში მაქვს,
პატარა ვარ ჯერ კიდევ,
მაგრამ გული დიდი მაქვს.