სულ ყველაფერში შენ ხარ მართალი,
რომ ვაღიარო -დღეს ვარ თანახმა,
მხოლოდ და მხოლოდ დროა აბდალი,
ჩემი დარდი რომ ვერ დაგანახვა...
ნუ უსმენ ბედის გესლიან ქილიკს,
ყველა შეცდომა შეგინდოს ღმერთმა!
შემთხვევით ასცდა ბილიკი ბილიკს,
და შენი გულიც შემთხვევით შეცდა..
შემთხვევით სულ სხვა შემოგეყარა,
რომ არ ელოდი, სწორედ იმ გზიდან,
დავრჩით პირისპირ-მე და ქვეყანა,
და სადღაც, თოვლზე თეთრი იზიდა..
შენ მართალი ხარ, ამაოებას
ვით ვაზის ჭიგოს ნებით ვეხვევი,
მაგრამ რას ვიზამთ... თავად ცხოვრებაც
ხშირად მთავრდება თურმე შემთხვევით..