სიცოცხლე იყიდება,ფასი-ასი ფრანკი,
არა,ვერ გავწვდები,ძვირია.
დღღიური მომაწოდეთ-ითხოვს ანა ფრანკი,
მწუხრზე ღამურებიც ტირიან.

თხუთმეტ გაჭირვებას,სიკვდილს მეთექსვმეტეს
უმალ გაცნობებენ სიტყვები.
ზეცას აფარებულ ღმერთს თუ ვემეტები,
ვეღარ გადამარჩენს იმედი.

სადაც დანდობაა ისე აბსურდული,
როგორც ერთგულება იუდას.
სადაც სიცოცხლისთვის ფასი დაკარგულა,
გული არსებობას მიგუდავს.

ხელებჩამოშვებულ მამის ცრემლებია,
გულში ჩარჩენილი იარა,
რომ მკლავს,რომ მაცოცხლებს ცისარტყელებია,
გლოვა და თან აპათიაა.

შავი მიწათხრილი,როგორც სარკოფაგი,
ანდა ყორღანია,ჩემია.
გზას რომ გაუყვები უსასრულობამდე,
ხვდები,ნეტავ რა დაგრჩენია?!

-დღიური მომაწოდეთ-ითხოვს ანა ფრანკი,
მწუხრზე ღამურები ტირიან.
სიცოცხლე იყიდება,ფასი-ასი ფრანკი,
...არა,ვერ გავწვდები,ძვირია.