ოთარ ძმობილო! ასეთია ნება განგების.
ყველა იქ მიდის საიდანაც ვეღარ მოდიან,
მაგრამ მოტანა როდის ძალულს ყველას სარგებლის?!
და დღეს გმირობა ყველას ხვედრი ჩვენში როდია?!

რა მძიმე ჟამი დაგვდგომია თურმე წუხელის,
და ეს ტკივილიც უმძიმესი თითქოს ლოდია.
ბევრს შეუძლია აიტანოს ესე წუხილი,
მაგრამ გმირობა ბევრის ხვედრი ჩვენში როდია?!

ეს ცხოვრება კი დღეს სიკეთის ასპარეზია.
და შენ უდაოდ ღირსეული მოასპარეზე.
მომენატრება, საუბარი როგორც გჩვევია,
შენ პოეზიის უუფსკერო ოკეანეზე.

მჯერა, იქნება საუკუნოდ შენი ხსენება
და სადიდებელს შენს სახელად ღმერთი ნუ დალევს.
ოთარ ძმობილო! დღეს განგებას ასე ენება,
და შეგაერთა საქართველოს გმირებს, უკვდავებს.

ჟამი კი ივლის, გავა დრო და არ დაინანებს,
ასეა, რადგან აგებული კაცის პირობა,
იოლი არის შეუყვარდე ადამიანებს,
მაგრამ იოლი როდი არის ჩვენში გმირობა.