ალბათ ყველას ნანახი აქვს ქართული მხატვრული ფილმი ’’ფატიმა“ – კოსტა ხეთაგუროვის ამავე სახელწოდების პოემის მიხედვით, რომელშიც მთავარ როლებს ასრულებენ: თამარ კოკოვა–ფატიმა, ოთარ მეღვინეთუხუცესი–ჯამბულატი და გიული ჭოხონელიძე–იბრაჰიმი.
ეს სამსტროფიანი ლექსი ძირითადად ამ თემაზე ავაგე:

ჯამბულატის მონოლოგი

ომში ვიყავი... გადავრჩი,
შენთვის დავბრუნდი ფატიმა,
შენზე ვფიქრობდი ზამთარშიც,
ვერ მიცან? - ჯამბულატი ვარ.
დღეს იბრაჰიმის ცოლი ხარ,
თუმც მის აღმოჩნდი მკლავებში,
მე დღემდე ჩემი მგონიხარ,
მწვავს მაგ თვალების კვლავ ეშხი.
მიყვარხარ... ვერ დაგივიწყე,
ვარ - ქალის იცის ვინც ფასი,
გული არასდროს ივიწყებს
ვინც მისთვის არის ძვირფასი.