არდადეგებია..
ფილმი... რომაული.
ახლა მე ვუყურებ მარტო, ყურადღებით.
ყველა თაროზე დევს თითო კოელიო,
მხოლოდ კედლები და შენი სურათები.
ისევ ის გზა არის ჩემთან მოსასვლელი.
მხოლოდ ამინდები არის უფრო რთული.
მახსოვს რამდენჯერმე, რომ ვერ მომაგენი.
ნასვამს, არც მე მახსოვს ზოგჯერ ეს სართული.
გარეთ არც გავდივარ. არის მომენტები,
ფანჯრებს არ ვაღებ და შენი სუნი დგება.
მოდი! გადაყარე წყალში მონეტები.
რათა დამიბრუნდე, როცა მოგინდება.
და რა საჭიროა ხვეწნა-მუდარები,
როცა შეეჩვევი ტკივილს მარტივია,
დღეებს შეუკერო შავი სუდარები,
მხოლოდ ლექსი წერო, როგორც დატირება.
არდადეგებია...
ფილმი... რომაული.
სიცარიელეა. მეტი არაფერი.
ჩვენში მანძილია არანორმალური.
უფრო მეტი, ვიდრე, მხოლოდ ქალაქები.