ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

ეს ქალაქი სავსეა ბოზებით,
იაფფასიანი სასმლით,
კედელზე ჯერ არშემშრალი ყვითელი სითხით
და ბავშვებით,
ბავშვებით, რომლებსაც ღმერთი თეთრწვერა მოხუცი ჰგონიათ,
ბრაზიანი მოხუცი,
რომელიც მათ დასჯის და მაინც არ ესმით,
თუ ასეთი ძლიერია ღმერთი
რატომ ყარს ეს ქალაქი ასე..

ჩვენთან ბავშვები საქანელაზე  არა
ყულფებზე ქანაობენ..
ყველაზე პატარა ყულფი
იყო ჩემი ორი მკლავისხელა..
და მერე იავნანა,
და ისევ იავნანა..

ნატვრის ხესავით ამოზრდილა ჩვენი ქალაქი
და ფერადი ნაჭრების ნაცვლად,
სულები შემოვახვიეთ..

რამ პამ პა..
არც დო,
არც რე..
მოხუცი მეეზოვე მღერის რომელიღაც ფრანგულ სიმღერას
და არ წვიმს,
რომ მივაშველო ქოლგა..
მიუზიკლი..
გთხოვთ მაესტრო..

10:25 სთ.
დღეს გარდაცვლილი იპოვეს დედა-შვილი,
გაზით გაიგუდნენ.

13:17
მოზარდმა თავი მოიკლა..

19:48
ვიღაც გაბოზდა..

რამ, პამ, პა..
დო,
რე,
მი..

მთელი ღამე ქუჩას ამღერებდა მეეზოვე.
ყარს  ეს ქალაქი
და მაინც,
კაფეს სიღრმიდან
მოჩანს სიწმინდე-
ქალის თეთრი მუხლები..
ღმერთო, მალოცე..