 | ავტორი: თოლიგე
ჟანრი: პოეზია
15 მაისი, 2015 |
უმისამართოდ და უსამართლოდ,
შენი სურვილისგან გამომრიყე.
ნაპირს დამხობილი ვწევარ მარტო,
ვეღარ ვეფერები გულგრილ რიფებს.
და ეს ნაპირია ყრუ და ფლატე,
მზე ჩაიძირა და ხარობს ბინდი,
ნუთუ სულ ტყუილად ვიფარფატე,
შენი თვალების წინ ავფოფინდი.
ქრება სილამაზე, ნაფოტივით
წლების მდინარეებს გაყოლილი
და თუნდაც სიკვდილთან დაქორწინდე,
ესეც სამუდამო არ ყოფილა.
სიცოცხლეს, ნეტავი, რა ფასი აქვს,
როცა აღარა ხარ ერთადერთი...
ეჭვმა პუანტებზე აიწია,
ცოდვის დატრიალდა პირუეტი.
ოდესღაც გრძნობებიც იძინებენ,
სიტყვებიც სიზმრებში გაფანტულან,
რჩება მხოლოდ სულის ტკივილები
შუბლის ნაოჭებით დახატული.
წლებმა დაუნდობლად რომ დამტორეს,
ხსოვნას დავიწყებას ვაიძულებ,
ხვალის იმედებით ჩავასწორებ
დარდის და ტკივილის ნაწიბურებს.
და... სულ მეყვარები, სანამ ვსუნთქავ,
მაგრამ შენ გეტყვი, რომ არ მიყვარდი...
მერე კი გაგიშვებ ჩემგან, თუნდაც
უსამართლოდა და მისამართით _
ჯანდაბამდე!
| კომენტარები |
ილუსტრაციები |
რეცენზიები |
|
17. მომეწონა:)
5.
მომეწონა:)
5.
16. თეა, გმადლობ, რომ გესმის... <3
თეა, გმადლობ, რომ გესმის... <3
15. ჯონათან, მეც ყოველთვის მიხარია შენი შემოხმიანება, გაიხარე <3 ჯონათან, მეც ყოველთვის მიხარია შენი შემოხმიანება, გაიხარე <3
14.
"შუბლის ნაოჭებით დახატული სულის ტკივილები" გამოვარჩიე და მთლიანადაც კარგი, ემოციური ლექსია, მაიკო.
ისე, რა აზრი აქვს, მას რას ვეტყვით... თუნდაც ჯანდაბის იქით გავუშვათ, თუკი "სულ მეყვარები, სანამ ვსუნთქავ" - :)
"შუბლის ნაოჭებით დახატული სულის ტკივილები" გამოვარჩიე და მთლიანადაც კარგი, ემოციური ლექსია, მაიკო.
ისე, რა აზრი აქვს, მას რას ვეტყვით... თუნდაც ჯანდაბის იქით გავუშვათ, თუკი "სულ მეყვარები, სანამ ვსუნთქავ" - :)
13.
ყველაფერთან ერთად, რიტმიც კარგი აქვს.
მიხარია, აქ რომ გხედავ, თოლიგე :*
ყველაფერთან ერთად, რიტმიც კარგი აქვს.
მიხარია, აქ რომ გხედავ, თოლიგე :*
12. გავასწორე :) გავასწორე :)
11. ბენ-ჰური. დიდი მადლობა, შეცდომაა, მახვილი თვალი გქონიათ.
მეც მოგიკითხეთ :) ბენ-ჰური. დიდი მადლობა, შეცდომაა, მახვილი თვალი გქონიათ.
მეც მოგიკითხეთ :)
10. "სიცოცხლეს, ნეტავ, რა ფასი აქვს" - აქ ალბათ ნეტავი უნდა იყოს, თორემ მარცვალნაკლული გამოდის.
მოგიკითხეთ მაია :) "სიცოცხლეს, ნეტავ, რა ფასი აქვს" - აქ ალბათ ნეტავი უნდა იყოს, თორემ მარცვალნაკლული გამოდის.
მოგიკითხეთ მაია :)
8. მერე კი გაგიშვებ ჩემგან, თუნდაც
უსამართლოდა და მისამართით _
ჯანდაბამდე!
:)) მერე კი გაგიშვებ ჩემგან, თუნდაც
უსამართლოდა და მისამართით _
ჯანდაბამდე!
:))
7. მერაბ ჯიხაზე, ბალეტზე არასოდეს ყოფილხართ, ეტყობა. სწორედ პუანტებზე ფარფატებენ ხოლმე ბალერინები აფოფინებული პეპლებივით :) :) მერაბ ჯიხაზე, ბალეტზე არასოდეს ყოფილხართ, ეტყობა. სწორედ პუანტებზე ფარფატებენ ხოლმე ბალერინები აფოფინებული პეპლებივით :) :)
6. ყველას ძალიან დიდი მადლობა, მოგიკითხეთ! :* ყველას ძალიან დიდი მადლობა, მოგიკითხეთ! :*
5. ვიფარფატეს და ავფოფინდის შემდეგ პუანტები და პირუეტი ძალიან ცუდად მოხვდა ჩემს ძვირფას ყურს.
და არც ეგ არაა მთავარი, მთავარი ისაა რომ ვერაფერი ვნახე საინტერესო და დასამახსოვრებელი ტექსტში.
წარმატებები. ვიფარფატეს და ავფოფინდის შემდეგ პუანტები და პირუეტი ძალიან ცუდად მოხვდა ჩემს ძვირფას ყურს.
და არც ეგ არაა მთავარი, მთავარი ისაა რომ ვერაფერი ვნახე საინტერესო და დასამახსოვრებელი ტექსტში.
წარმატებები.
4. ტყულად კი არ ვამბობდი დამაკლდა მეთქი ))
5. ტყულად კი არ ვამბობდი დამაკლდა მეთქი ))
5.
3. კარგია...5
აქაც მოგიკითხე თოლიგე...:-* კარგია...5
აქაც მოგიკითხე თოლიგე...:-*
1. მისამართით _
ჯანდაბამდე! <<<<<<< მშვენიერი მიმართულებაა :))
მისამართით _
ჯანდაბამდე! <<<<<<< მშვენიერი მიმართულებაა :))
|
|
| მონაცემები არ არის |
|
|
