ყოველი არნათქვამი სიტყვა,
ყოველი დაბნეული სალამი,
ან ვადებულებითი,
ყოველი თვალების დახრა,
ყოველი დაშვებული მხრები,
ყოველი ვერაჩქარებული გულისცემა,
ყოველი ამოგლეჯილი სიცილი,
ყოველი კუნთების დამწყვეტი ძლივსგაღიმება,
ყოველი სიცარიელე,
ყოველი დავიწყება,
ყოველი გადასწრება, ვერდაწევა,
ყოველი უკან გადადგმული ნაბიჯი,
ყოველი შექცეული ზურგი,
ყოველი თვალის გაპარება,
ყოველი გაფიქრება,
ყოველი ღალატი,
ყოველი გულისრევა,
ყოველი სირცხვილი,
ყოველი ვერსაპატიებელის პატიება,
გულში სიძულვილად ჩაქვავებული,
ყოველი უმისამართო ვნება,
ყოველი ჩემთვისულერთია თანხმობა,
ყოველი ვერცკიგაგებული ამბავი,
ყოველი ვერნაპასუხები ტალღა,
ყოველი ტირილი, ტკივილი, დაღლა,
კივილი, გაქცევა, მსხვრევა,
ყოველი ვერმოსმენა ..
მაპატიე.
მაპატიე.
მაპატიე
თუ შეგიძლია.