ვაი თუ-ს და რა მოხდა-ს
ვიღებ ლექსიკონიდან.
ჩემთან ერთად წამო რა,
შენთაობა მომინდა!
შევუბეროთ პირიქით
ქარებს საპირქარონი.
მე გავხდები ლილიტი,
შენ ბოშათა ბარონი...
ავურიოთ დავთრები
ზედამხედველ ბედიღბალს,
გავხდეთ თმებით სათრევი,
დედამ გვითხრას -ჰერი, ჰა!...
წავიცეკვოთ წვიმასთან
გუბეებში ჩარტყმები.
ფიქრს მივანდოთ წინათქმა,
და ბოლოში სათქმელიც...
ნატვრის თავსხმით თავსველი,
აღარ ვაცდი მოლოდინს!
შეუკრავი თასმებით
გამომყვები ბოლომდე?..
        20.12.16.