გაბრიელ ჯაბუშანურისადმი


არხოტის მთებზე ღრუბლები
ნელ-ნელა მიირწევიან,
ქორ-შევარდენთა გუნდები
სულ ცისკენ მიიწევიან.

შებინდებისას ნისლები
შლილ ფერდობებზე წვებიან,
პოეტის ლექსთა მარულა
ხევსურეთს მონატრებია.

სადა ხარ, ჯაბუშანურო,
არხოტი გელის შენია,
ვაჟასთან ერთად შენცა ხარ
მთის პოეზიის გენია.

ოთარ რურუა

მუსიკა - ზურაბ (ფანდურა) ბარბაქაძის, ფანდურზე უკრავს გიორგი ჯმუხაძე.

https://www.facebook.com/otar.rurua/posts/1582125695185959?pnref=story


.........................................................................

ო, რომ შემეძლოს...

სადა ხარ, ჯაბუშანურო,
არხოტი გელის შენია,
ვაჟასთან ერთად შენცა ხარ
მთის პოეზიის გენია.

ჩემივე ლექსიდან

ეს იანვარი თავზე არ მათოვს,
ფოთში ვარ, ფოთში არ არის თოვლი.
ო, რომ შემეძლოს, როგორც მადათოვს,
გადავლახავდი მთებს პირველ ყოვლის.

შემოვივლიდი არხოტს ხევსურის
და ვუმღერებდი თან ლექსს ჩემივეს,
მთებს სხვა ეშხი აქვთ, ძალა ზევსური,
ბარელნიც უყვართ მანდ გაჩენილებს.

მწამს სიყვარულის, - გრძნობა ნამდვილი
ჯიხვის ყანწებით დამილოცნია,
როგორც ქართველი ქალის მანდილი,
ლამაზის კალთაც დამიკოცნია.

ეს იანვარი თავზე არ მათოვს,
ფოთში ვარ, ფოთში არ არის თოვლი.
ო, რომ შემეძლოს, როგორც მადათოვს,
გადავლახავდი მთებს პირველ ყოვლის.

შემოვივლიდი ფეხით ხევსურეთს,
ჯაბუშანურის არხოტს ვნახავდი.
შევსვამ წყაროს წყალს პეშვით, ხელსურით,
თუ მოვიხადე ლექსის სახადი.

ოთარ რურუა

2019

დიდი მადლობა შატილიონო, გაიხარე!

შესანიშნავია!

დიდი მადლობა მეგობრებო.

ბრავო!

კარგია მთის მოტივი და ადრესატი ხომ შეუდარებელი.

ვერ გავხსენი(