თოთქოს დღევანდელ დღეს დასტიროდა
და ჩემთან ერთად აისიც წუხდა,
მოგონებები დროს დასცინოდა,
ცას აწვა ქუფრი,მაგრამ არ ქუხდა.
თეთრი ფანტელი ცვიოდა ციდან,
მზის სხივმა ფიფქებს ლოყა აუწვა...
ვგრძნობ, გახსენება რაღაცის მინდა,
ფიქრებს წყაროზე კოკა გაუტყდა.
დღე დღევანდელი,მზიანი თოვაც,
ცხოვრებას ჩემსას რაღაცით ჰგავდა,
და გამახსენდა,რომ ვეღარ მოვა,
ვისაც ვუყვარდი,და ვინც მიყვარდა.