კალო-საბძელი ხვავით აგევსოთ,
კალმასობები გიმრავლოთ ღმერთმა,
ლაპოტით გესვათ ღვინო ქვევრიდან
და კარ-მიდამო გაგეგოთ დევრხნად.

აღმადგენელი გიმრავლოთ გვარში,
გარჯა-გამრჯელი დაგფასებოდეთ,
ვაჟებს სიპი ქვის ძალა, სიმყარე,
ქალებს კი ეშხი არ დაგკლებოდეთ.

აკვანში-თოთო არ დაგელიოთ,
მიწაში-ნერგი არ გაგხმბოდეთ,
ვინაც უკუთვნი სიტყვით დაგკოდოთ,
თავზე ცა- მეხად ჩამომხობოდეს.

განუშორებლად გდევდეთ ღვთის მადლი,
არ დაგიბლაგვოთ თოხი და ცელი,
რაც კაცის ენით ლოცვა დაგაკელთ,
ბუნების ძალით დაილოცენით.