ძილში ჩამესმის წვიმის სიმღერა,
ფერად ზმანებებს ეულად ვტოვებ,
სარკმელთან წვეთების ფარდა ირხევა,
უკუნში გავყურებ დანისლულ შორეთს...
            ტანში ეკლებად მბურძგლავს სიცივე,
            წვიმის სიცელქე ფიქრებს ამიშლის,
            ცა ჩამოინგრა,ხეთა სიშიშვლე...
            ქუჩებში ელვა მწარედ გაჰკივის...
ღრუბლები მჭიდროდ გაჰკვრიან შავ ცას,
წვიმა შხაპუნობს კოკისპირული,
მას შენთან ტრფობის წერილებს ვატან,
იმედი ღვივის შორით ხილული...