_ეს კალამი ფურცლის ბოლომდე მიმიყვანს?
_დიახ,ეს კალამი ფურცლის ბოლომდე მიგიყვანთ.
_მაშინ რა საჭიროა კალამი,რომელიც ფურცლის ბოლომდე მიმიყვანს...
მე გავჩუმდი,
მე გავჩუმდი,მე გავიმარჯვე,გავჩუმდი...
შენ და შენი წითელ ბერეტიანი მეძავი,
ყოველ დილით დგახართ მატარებლის სადგურზე,
საგულდაგულოდ დაჭმუჭნული ჩემოდნებით ხელში,
ამაყად, აფრიალებ წუხელ ნამათხოვრალ კაპიკებს...
გვერდზე ჩავლისას ვხვდები,
რომ ის მეძავი მე ვიყავი,
შეუკამათებლად გიტოვებ ოდესღაც ,,ჩვენ" წილ ჰაერს...
ვაგზლიდან წამოსული მშვიდად შევდივარ კაფეში,
მოხეტიალე მუსიკოსის მოსასმენად,
ვუკვეთავ ერთ ფინჯან ,,wish you were here_ს" აკორდს...