თავიდან იყო სივრცე უსასრულო
ქაოსი, წყვდიადი, და იყო ერთი
კერძოდ რა ვერ გეტყვით; უსახო, სამ სახა
ჩვილი თუ მოხუცი სახელად"ღმერთი"
ობოლი, უსქესო ,რატომღაც წვერებით,
კეთილი გულით და მაღალი გონებით,
სწორედ ამ გონების კარნახით შეიქმნა
პატარა არენა ფერადი მონებით.
ამას კი ყველაფერს წინ რაღაც უძღოდა:
ეულ ღმერთს მობეზრდა ნაბიჯ თვლა  ფართობის
მის გულში წუხილი იმდენად გაჯერდა
დაჯდა და დაწერა სცენარი გართობის.
(ცნობისთვის;მას ჰყავდა ურიცხვი არმია,
უსქესო ფრთიანი დიდი თუ პატარა,
მას ყავდა ერთგული ანგელ_ი მიქაელ
(ბალანსი)ბოროტი ანგელ_ი სატანა)
...მან შექმნა სამოთხე,პატარა ედემი
შუაგულს ვაშლის ხე ნაყოფით დახრილი
ყვავილნი, ცხოველნი, ზღაპრული ელფერი
იდგა შემოდგომა  და იყო აპრილი
თვალი მიმოავლო ამაყად მიდამოს
(მუზისთვის მოიხმო ანგელთა კაპელა)
თიხისგან მოზილა (მამრი)ადამი
მზეზე გააშრო და სული შთაბერა,
მერე გასართობიც გაუჩინა ადამს
სახელად ევა, სქესით კი მდედრი
უცნაურია მას რისთვის ებოძა
საშვილოსნო და ლამაზი მკერდი,
დასასრულს იხმო ადამ და ევა
გადაულოცა სამოთხე სრულად
ვაშლის ხის გარდა. ციც  გააფრთხილა
საქმე წაგივათ ძალიან რთულად...


                                            გაგრძელება იქნება, 3 დღეში შემოიარეთ.