ბიჭს ხატის ფერდობზე ძლივს მოყავდა ცხვარი,ცხვარი არ ემორჩილებოდა და გაქცევას ლამობდა.ფერდობზე ათიოდე კაცი შეფენილიყო.ორი მათგანი ცხვარს ატყავებდა დანარჩენი ჟიპიტაურს სვამდნენ და ქადას აყოლებდნენ,ხუცესი შორიახლოს იდგა და სისხლიან დანას წმენდდა ბალახზე.
_მაჰყავსა კიდევ ვინმეს საკლავ!_იკითხა ხუცესმა.
_აი იმ ბიჭს მოჰყავს ხუცესო!_უთხრა ნიკამ და მიანიშნაბერდიაზე რომელიც მიუახლოვდათ ამასობაში.
_მაგვიხველ მშვიდობით!_წამოიშალნენ ხევსურები ბერდიას მოსვლაზე.
_მშვიდობით დამიხვდით!_უპასუხა ბერდიამ და ხუცესისაკენ წაიყვანა ცხვარი.ბერდიას ტალავარი ეცვა და ძალიან უხდებოდა,ტალავარზე ქამარი შემოერტყა და ქამარზე ხანჯალი ეკიდა.
_ვისი გორისა ხარ?_შეეკითხა ხუცესი ბერდიას.
_ჭორმეშაველი,ღვთისო გოგოჭურის შვილი ვარ!
_ღვთისოსი?_სახე გაუნათდა ხუცესს_ვიცნობდია მამაშენს,კა ვაჟკაც იყვის,განათლებული,წესიერ კაც. სამაშვლოდ თუ გყავის ხატთან მაყვანილ ეს საკლავი?
_კი,სამაშვლოდ,შარშან ხატის ტერიტორიაზე შევედი უნებართვოდ და დაპირებული ვარ!_მიუგო ბერდიამ.ხატის შელახვაზე ხევსურებს სახეები მოეღრუბლათ, მაგრამ საკლავით მოსული კაცი რომ ნახეს,რომელიც თავის დანაშაულს ხვდებოდა გაუხარდათ.
_ნეტავ შენისთანა იყვეს ყველაი_ჩაილაპარაკა თოთიამ_კაცო ა იმ დღეს მუცოს ჩამავცდი და ვიღაც ოხერსა ჩვენი წინაპრების ძვლები გამაუყრავს აკლდამიდან,ერთს კიდენა ჯოხზე ჰქონდა თავის ქალაი ჩამაცმულ და ისე მახქონდ,კინაღამ ცოდვა ჩამადენინ!
_აბაიმე,რატო არ ვიყავ იმ დროს იქა!_წამოიწია მამუკამ_განახებდი ცოდვის ტირილსა_და ხელი ხანჯალზე დაიდო.
_გასჩუმდით ხალხნო_წამოდგა ხუცესი,ბერდიას მოყვანილ ცხვართან მივიდა და სანთლები აანთო_მუცოურო ჯვარო,გუდანის სალოცავო,ხევსურთ სალოცავებო,შაუნდეთ გოგოჭურ ბერდიას ხატის უნებართვოდ შელახვა,სამაშვლოდ საკლავით მასულა თქვენს კართან,დაიფარეთ თქვენი ყმა,არკი გეწყინოსთავ,უნებურად გაუვლია თქვენს საბრძანებელთან._ამ სიტყვებთან ხუცესმა პირჯვარი გადაიწერა და დანა გამოუსვა ცხვარს ყელში,ნოდარმა აფართხალებული ცხვარი გააკავა,მერე თბილ სისხლში თითი დაისველა და ბერდიას,ნიკას და ნოდარს შუბლზე ჯვარი გამოსახა_აგრემც განათლულებს და განწმენდილებსთ გევლოსთ ყველგანა შვილო_ნოდარმა არყით პატარა ყანწი აუვსო და მიაწოდა,ხუცესმა დაილოცა და დალია...ბიჭებმა ცხვარი გაატყავეს,მარჯვენა ბეჭი ხუცესს გაატანეს და რაღაცნაირი ბედნიერი და ნათელი სახით ქვევითკენ დაეშვნენ...
საღამოს კარვებთან ისხდნენ და სვამდნენ.
_აი რაღაცნაირად გავნთავისუფლდი_ამბობდა ბერდია_რაც შევპირდი არ მასვენებდა ეს ამბავი,აქაურობა მიხმობდა.
_ეგრეა ღვთის საქმე გავაკეთეთ_დაეთანხმა ნოდარი.
ნიკამ ჩვენს სალოცავებს გაუმარჯოსო და დალიეს.