ძლივს წამოწვიმდა.
სიცოცხლეს ნიშნავს აგვისტოში ასეთი წვიმა,
როდესაც წვიმის ყველა წვეთი ძილის სიმს ჭიმავს.
ძლივს წამოწვიმდა.

ღამეა ახლა.
წამით ნათდება ეს წყვდიადი, დროდადრო ელავს,
ოცნება მკრთალი, ნისლიანი, უზომოდ ღელავს.
გვიან ღამეა.

გასკდება გული.
ვინ არ დამთვრალა ცხელ ზაფხულში წვიმის შხაპუნით,
ღრუბლების ზღვაში რომ სეირნობს მეხი ტკაცუნით.
გასკდება გული.

ვერ ვუძლებ ამდენს.
ზაფხული, წვიმის მელოდია ქუხილის ბანით,
შუაღამე და სველი ქარის შეგრძნება ტანით.
ვერ ვუძლებ ამდენს.


... და-მეძინება.
                                                2006 წ