ხაზები შორდება ერთმანეთს- მანძილი იზრდება
პარალელები იკვეთება - აქ დავდგავთ საწოლს,
...მაღალი, მელოტი ახალი წელი...

ჩვენს შორის გრძელი ბილიკია, ვიწრო საცვლებით,
მდინარე ხიდზე სავსეა ყვავებით,
ვთევზაობთ მომავალზე, შენ დაიჭირე ათიანი..
გამარჯობა ბილი,ნუ იფურთხები მანქანის ფანჯრიდან!

ქვეწარმავლები ატარებენ აღლუმს -შენ ატარებ კარეს,
გუშინ მომიტანეს პენსია , გადავყარე რვეულები,
წაიყვანეს ქალები საგიჟეთში?
რამდენი ხანია აღარ შემხვედრია სარა ბერნარი,
სამფეხა სკამი ვითხოვე მისგან..
მაინც, როგორ ამოვარდა კონტექსტიდან:
...მაღალი, მელოტი ახალი წელი..