ჩამოვკიდეთ ბუხართან
საჩუქრისთვის წინდა,
მაგრამ იცით, შიგ თაგუნას
მოუწყვია ბინა,
შეუსანსლავს ტკბილეული,
დაუდვია ღიპი,
ჩაეძინა წინდაში
და აგვიკლო ხვრინვით.

დღეს ახალი წელია,
კეთილები ვიყოთ,
თაგუნასაც ვაჩუქოთ
სათამაშო ფისო.

ჩუმად, ჩუმად, ჩუმად,
თაგუნიას ძინავს,
ეს ამბავი გვიამბო
ჭორიკანა ფიფქმა.

თაგუნიას სიმსუქნისგან
არ გაირღვეს წინდა,
ძილისგუდა თაგუნა
გავაღვიძოთ ფრთხილად.

მოუსმინეთ და მოასმენინეთ პატარებს, ახალი წელი მოდის:)
კომპოზიტორი: ქეთი გაბისიანი
http://www.youtube.com/watch?v=XU-c2dglzng