ცელქი სიოს კისკისია,
თუ რაკრაკი ნაკადულის?
იქნებ ფოთლის სიმღერაა,
ანდა ჩიტის ფრთახატულის?

იქნებ,იქნებ ცის და მიწის
მოწკრიალე მზის სხივია?
ანდა იქნებ ყვავილებზე
დილის ნამის ციმციმია?

იქნებ, ღრუბელს გამოექცა
წვიმის წვეთი პაწაწინა
იქნებ, მთვარემ იავნანით
ვარსკვლავები დააძინა...

ნარნარმა და ტკბილმა ხმებმა
გულში სითბო ჩამიღვარა
ამ სითბომ და ჰარმონიამ
აივანზე გამიყვანა...

ახლა მივხვდი თუ რამ შექმნა
საოცარი იდილია,
გულწრფელი და ლაღი ხმები
თურმე ბავშვის სიცილია.