ჩემი სამშობლო-მთებია,
ეს თვალუწვდევნი ველები.
ჩემი სამშობლო ზვრებია
მინდვრად გაშლილი ტევრები,
ამიტომ მიყვარს ძალიან,
მას თავზე შემოვევლები.

ჩემი სამშობლო-ეს ცაა,
აქ მოლივლივე ფერები.
ჩემი სამშობლო ეს ზღვაა
ტბაზე ქათქათა გედები,
ამიტომ მიყვარს ძალიან
მას თავზე შემოვევლები.

ჩემი სამშობლო ბრძოლაა,
ჩაუგებელი მახვილი,
ყოველი გოჯი მიწისთვის
სისხლი გმირულად დაღვრილი,
ამიტომ მიყვარს ძალიან
მას თავზე შემოვევლები.

ჩემი სამშობლო დედაა
მისი უბიწო მანდილი.
ჩემი სამშობლო-ნანაა
ყველა იმით ვართ გაზრდილი,
ამიტომ მიყვარს ძალიან
მას თავზე შემოვევლები.