დიდი ხანია ისტორიას
სისხლი შეახმა...
დიდი ხანია დაჯანგდა სულში
ის ბრძოლის ჯინი რაზეც ყვებოდნენ...
...ჩვენი ომია...
მერამდენედ უნდა გადავდოთ,
გადავაბაროთ იმ თაობებს, რომლებთაც ალბათ
მოვუკვდებით და
დასამარხად მიწასაც ვერ ვუტოვებთ.
ჩვენი ომია...
ილუზიაა...
ყველა მოგება...
თუ ისტორიას სისხლი შეახმა...
უნდა გავთხაროთ საფლავები და
თუნდაც ძვალდაძვალ შევაგროვოთ
არაგველები უნდა ვიომოდ
ჩვენი ომია...
ილუზიაა...
ყველა მოგება...
თუკი დედები არ (აღ)ზრდიან შვილებს
ქვეყნისთვის...
თუკი ტაძრები აიგება და გუმბათებში
აღარ ფეთქავს მაცხოვრის გული...
ქვეყნის კეფაზე მიჯღაბნილი ''თავისუფლება''...
ილუზიაა...
ყველა მოგება...
ჩვენი ომია...
კიდევ გადავდოთ?!
გადავაბაროთ იმ თაობებს
რომლებთაც ალბათ მოვუკვდებით და
გვამებს დაწვავენ...
დასამარხად მიწას არ ვტოვებთ...
...............................