დაკაპიწებულ მკლავით ვურევ
სულში მოლოდინს,
ვზილავ იმედებს
ხვალინდელი დღეც რომ დავაცხო...
წარსულს ვაბიჯებ დასაჭყლეტად,
როგორც სოფელში უბნის ბავშვები
საწნახელში ყურძენს ვუშენდით
რეზინის ძირებს...
აი იგივე აღტაცებით ახლა თქვენ გწურავთ
ლურჯო დღეებო...
"გონებებო"...
მოგონებებო...
და სანამ დროა
ჩამოცვენილ ზამთრებს ვაგროვებ მხრებზე,
თვალებზე,
ხელისგულზე თეთრად დათოვლილს.
(რა მენატრება აღარ ვიცი, რაზე ვიფიქრო)
ღამე ნისლებით ამოვსებულ ფილტვებს დამიცლის.
შენი თვალები- და მეც ისევ მაქვს ამბიცია
რომ გიპატრონო უნახავად...
გადმოგიბირო...
და ფიქრებისთვის გაგიმეტო...
"გადაგიმტერო"...

12.02.2013