როცა სიყვარულს ცოტა უკლია,
ვეღარ გაარჩევ, როდის გაები.
როცა შენ – ჯიხვი, ის კი ნუკრია
ო, რა ლაღია მაშინ ტაეპი.

როცა სიხარულს არა უკლია,
მაშინ ძნელია, არ გაიცინო,
მაშინ სევდა სულ არსად თუკია,
გერქვას ირაკლი, თუნდაც ციცინო.

გაზაფხულს როცა მარტი უკლია,
როცა საოცრად აძგერდა გული,
მაშინ გოგონა ნაღდი ნუკრია,
უნდა მიართვა მას თაიგული.

როცა სიყვარულს წუთი უკლია,
ის წუთი უნდა ჩავკლათ კოცნაში,
ჩვენი გამგები წუთი თუკია,
ავახანძაროთ სუსხი მე და შენ.