ღმერთო მაპატიე ჩემი პესიმიზმი,
მაგრამ დღეს ცუდად ვარ,
გული კვლავ ავადობს...
დღეს ამ მარტოობამ ისე გადამრია,
წყალი მწყურია და კაცსაც ვერ გავანდობ.

ღმერთო მაპატიე ჩემი უმადობა,
ისე მშიოდა და... ლუკმა გამომტაცეს,
დღეს კი აღარ მშია, გულიც გამიცივდა,
ვიცი, გული მწვრთნიდა და გული რომ გამცემს..

ღმერთო მაპატიე, ალბათ ლაჩარი ვარ,
ასე ერთბაშად რომ სული დამექანცა,
ეშმამ შემიბილწა შენთან მოსასვლელი,
ხუთვა დამემართა, ტანი სისხლმა დამწვა..

ღმერთო მაპატიე, ჩემი პესიმიზმი,
მაგრამ ისტორია ისევ უცვლელია,
მარტო დავაბიჯებ ღამის სიცივეში,
და კვლავ იმედი მაქვს, ხვალ მზეს უშველიან..

თუმცა აღარ ვიცი უკვე რა ვიწამო,
სადაც გულს გავაღებ, ცა იქ იქუფრება,
ხელში ამიყვანე, ღმერთო, გევედრები,
როგორც ჩვილი ბავშვი, რძით რომ იგუდება..