ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

ცენტრალურ ტრასაზე მოსახვედრად კ.-მ გზის მოჭრა გადაწყვიტა. აუხვია პირველივე ვიწრო ასახვევში. წინ უცნაური სანახაობა გადაეშალა, რომელმაც არასასიამოვნო შეგრძნება დაუტოვა. შებინდებულიყო. გზა ორივე მხრიდან დაჩიავებული ქოხებით იყო გარშემორტყმული, რომლებიც მაცხოვრებლებს დამარხვით ემუქრებოდნენ. ფანჯრებს მიღმა ადამიანები გაარჩია, რომლებიც შუშებზე სახემიდებულები ეშაფოტზე მიმავალი დამნაშავესავით უთვალთვალებდნენ. ფანჯრებმა ცარიელი თვალის ბუდეები მოაგონა, რომლებმაც მის წარმოსახვაში შენობები თავის ქალებად აქციეს. წამით გრძნობა გაუჩნდა, რო იმ უხსოვარ დროში განიცადა ტელეპორტაცია, როდესაც ბუნებამ პლანეტაზე მცხოვრები ხალხის ნაკვთებში ჯერ საბოლოო კორექტივები არ შეიტანა და ზომებით ისინი დინოზავრებს არ ჩამოუვარდებოდნენ. იგი უსაზღვრო უდაბნოს ცენტრში დგას, სადაც დროის საფარის ქვეშ მისი წინამორბედები მარხიან, ხოლო მათ მონოლითებად ქცეულ ამოშვერილ თავებზე მიცვალებულების სულები დაფრინავენ და ამდენი ხნის შემდეგ სიკვდილის ხეობაში პირველად მოსულ სტუმარს ესალმებიან.
წინ კიდე უფრო არასასიამოვნო სიურპრიზი ელოდა. ტრასაზე არანაირი მოძრაობა არ შეინიშნებოდა. მიმოიხედა. გზის მარცხენა მხარე ჩამოშლილიყო, თითქოს მასზე სარაკეტო იერიში მიიტანეს. მარჯვენას სქელი ნისლი ფარავდა, რომელიც კ.-ს მიახლოებასთან ერთად მსუბუქი კვამლის ფარდასავით გაიფანტა და საშუალება მისცა მოშორებით ეკლესია დაენახა. კონსტრუქციით იგი შუა საუკუნეების გოთიკურ ტაძარს უფრო წააგავდა, რის გამოც არქიტექტურული კონტექსტიდან ამოვარდნილი ჩანდა. მთავარი ნაგებობის გვერდებზე მიშენებული იყო ორი დაბალი ეკვდერი. თავში გაჩენილმა მკრეხელურმა ასოციაციამ ხასიათი ცოტა გამოუკეთა. უეცრად შეამჩნია - ეკლესიის თავზე სივრცობრივი მატერიის უცნაური გარდაქმნა მიმდინარეობს. თითქოს უხილავი მხატვარი ფუნჯს ცაზე როგორც ტილოზე ისე ატარებდა. თვალის მოუშორებლად კ. ცის ცვლილებას შესცქეროდა. ეგონა მხატვრობის მორიგ შედევრს იხილავდა, რომლის წინაშეც ყველა მისი წინამორბედი გაფერმკრთალდება. მოლოდინს იმედგაცრუება მოყვა, რამეთუ ზარმაცი მხატვრის ნამუშავარი მხოლოდ უფორმო მასის შენადედი აღმოჩნდა. მაგრამ როდესაც მისი ფართო ჩრდილი ეკლესიას არწივივით ჩამოაწვა და გუმბათი წაუშალა, კ. ჩაწვდა მიმდინარე მოვლენას. ფორმით ღრუბელი იმას წააგავდა, ვის თაყვანისმცემლებსაც რელიგიის დამცველების კურთხევით სასტიკი წამებითა და ცეცხლში მოხრაკვით სჯიდნენ. ეხლა კი დიადი შურისძიების დღე დადგა. საუკუნეების მანძილზე ჰაერში დაგროვილი ფერფლი ვებერთელა, ფაფარიან არსებად გადაიქცა, რომელიც ხახადაღებული ემზადება შეთქვლიფოს ეს ცოდვაში ჩაფლული შენობა, რომელიც საუკუნეების მანძილზე მხოლოდ მისი ცრუ მქადაგებლების ღორული მადის დაკმაყოფილებას და მათი დანაშაულების გამართლებას ემსახურებოდა.
ეკლესიასთან მიახლოებისას კ.-ს ხმაური მოესმა, რომელსაც როგორც წესი ხალხის დიდი რაოდენობა ქმნის. მასიურ ჭიშკარს მეტროს ბოლო გაჩერების ესკალატორის მსგავსად ხალხი მიწყდომოდა. უკანა რიგები ძლიერი ნაკადით აწვებოდნენ, რათა წინებთან ადგილებით შეცვლილიყვნენ. უწესრიგო ჭყლეტვა უკვე მზად იყო ქაოსში გადასულიყო, როდესაც სიგნალმა მოუსწრო. ჰაერი ზარის ხმისგან შედრკა, რომელიც მიდამოებში ვიბრირებული ექოთი გავრცელდა. მას ხარხარი შეერია, თითქოს თვით ჯოჯოხეთიდან. კ.-მ ხმის მიმართულებით გაიხედა. გუმბათიდან კარიკატურული ჯვარცმა ამოიზნიქა, გაშტიკინებული, ონკანის ფორმიანი ფალოსით. იქიდან ჩამოკონწიალებული თოკი მასზე დაკიდებული ადამიანის ძალისხმევით ქანქარასავით ქანაობდა, რომელიც ყოველ გონგს ისტერიულ სიცილს აყოლებდა. 12 დარტყმის შემდეგ, როგორც მეხანძრე გამოძახებისას ქვემოთ ჩამოსრიალდა და მიწაზე დახტომისთანავე გასუსულ ხროვას მიაჩერდა. გაისმა ჩხარუნი და კარი ჟანგიანი ჭრიალით გაიღო. ხალხმა ჯიკაობით შეძრომა დაიწყო. შესასვლელთან ახლოს მხოლოდ ორი ხელჩაკიდებული ბიჭი დარჩა.
ეკლესიის ეზოში განთავსებული იყო ბაზარი, სადაც საეკლესიო ატრიბუტიკას ყიდდნენ.
- აბა, მობრძანდით! - გახარებული ეძახდა კლიენტებს მსუქანი მღვდელი. - ქრისტეს ხატები, ნებისმიერ ფასად. არის სპეციალური ფასდაკლებითაც.
რეკლამამ მოხუცი ქალი დააინტერესა. ხანგრძლივი დათვალიერების შემდეგ ყველაზე იაფიანი ჯვარი შეარჩია, რითაც გამყიდვლის უკმაყოფილება გამოიწვია.
- ამ ბიჭმა თავი შენთვის გაწირა, შენ კიდე ფული გენანება?! - განრისხდა მამაო. - აქ სექს-შოპი არაა, ვიბრატორს კი არ არჩევ შე კრიჟანო ბებერო ბოზო! ეს ჯვარია, რომელზეც უნდა ილოცო და შენი სუნიანი ნაბიჭვრების დაცვა სთხოვო. ყველაზე იაფიან ჯვარს ეგ ფუნქცია არ გააჩნია. ეგეთი ნავაროტკები მარტო ძვირადღირებულ მოდელებს აქვთ. სახეზეც უფრო ლამაზია. არიან ალენ დელონის, გრეგორი პეკის, მარლონ ბრანდოს, დი კაპრიოს, ბრედ პიტის მსგავსები. ყველაზე ძვირიანიდან კი შუაღამეს, ტრუსიკიდან, გუგულივით, ხუთიოდე წამით ბალაყანა გამოხტება და შანსი გეძლევა მოუწოვო. თუ რჩეული ხარ წმინდა სპერმას გაპკურებს, რაც სასტუმრო “სამოთხეში” ლუქსის დაჯავშნის ტოლფასია.
ბაზრის ცენტრში აღმართული იყო ბაქანი, მაღალი ჯვრით, რომელსაც ორი სტრიპტიზიორივით ჩაცმული მონაზონი პილონად იყენებდა. წრეში შეკრული კაცები აღფრთოვანებას ვერ მალავდნენ. ერთი მონაზონი მოწონებულ კლიენტთან მუხლებზე მიხოხდა. კაცმა ლიფშიც და ტანგაშიც ფული ჩაუტენა.
- ჰეი, აქეთ! - გაჰკიოდა მონაზონი, შესახედაობით და მანერებით სუტენიორი. -ღვთისმშობლის ხატების ახალი პარტია მივიღეთ, სპეც-შუშის დაფარულობით. როცა მარჯვნივ ხრი მარიამი მკერდს აჩვენებს, მარცხნივ - წმინდა ხვრელს. არის მერლინ მონროს, გრეის კელის, ბრიჯიტ ბარდოს, იზაბელ აჯანის და მრავალი სხვა ლამაზმანის სახით.
ბაზრის გვერდით დიდი კოცონი ენთო. მასთან ხალხი მიდიოდა და ძველ ხატებს ყრიდა.
- როგორც იქნა მოტვინეს, - უთხრა ერთმა გეიმ მეორეს. - გინახია წმინდანები მაგ ხატებზე?
- მერე?
- ვერ ამჩვენ ვერანაირ მსგავსებას?
- ვისთან?
- ეკლესიის მსახურებთან და მათ ზომბირებულ მრევლთან. როგორ შეიძლება წმინდანს ეგეთი სიფათი ქონდეს? ყველა დაღვრემილია. ხო უნდა გსიამოვნებდეს მათი ყურება.
- შეიძლება მაგაში ის აზრი დევს, რო ეგეთი მახინჯი და ჩვეულებრივი ხალხიც შეიძლება იყოს წმინდანი.
- არა, გამორიცხულია. ეგეთი სახის ადამიანი არ შეიძლება სიწმინდეს ანსახიერებდეს. მაგაში მარტო ერთი აზრია. ეგ ჩათლახები საკუთარ თავს ხატავდნენ და საკუთარ თავზევე ლოცულობდნენ.
- ერთი მაგათი დედაც! რა დროს ხატებია. მარტო რიგითი ისტორიული ფიქციაა, რომლის გარეშეც დღეს მშვენივრად ცხოვრობენ. აი საკმარისია ინტერნეტი და ფეისბუკი გამორთონ, რო მეორე დღესვე მასიური ნევროზის ეპიდემია იფეთქებს. ასე რო დღეს ჭეშმარიტი წმინდანები არიან ბილ გეითსი და მარკ ცუკერბერგი. ხატებზე ისინი უნდა იყვნენ გამოსახული.
ბიჭებმა გულიანად გაიცინეს, ერთმანეთი ტუჩებში გემრიელად ჩასაზეს და იქაურობას გაეცალნენ.