ძვირფასო ****, გეფიცები, ახლა მარტო ვარ,
შავი აურა შემეჩვია დაძრწის მახლობლად,
ყველა უეცრად წავიდა და თავთან დამტოვა,
თავთან რომელშიც დღენიადაგ შიში სახლობდა.

მე არასოდე მავიწყდება შენი თვალები,
გულზე ლამაზად დახატული ჯვარი - აჩრდილი,
მალე ჩამოსვლა მერამდენედ შემითვალე და
შენი პირობა მოლოდინში არის გაჩრილი.

ასე გელი და ასე უფრო მზერა მიშრება
გარეთ ძალიან გაზაფხულდა მახსოვს მაშინაც,
სითბო იყო და დამეჩვია თეთრი შიშები,
ახლაც ვერ ვხვდები უშენობამ რად შემაშინა.

შენ კი ზიხარ და გეფიქრება ჩემზე არასდროს,
ღამის პიკია, დედამიწა ბრუნავს არაფრით,
უნდა ადგე და ჩემთან მოსვლა უნდა დამასწრო,
თორემ არც ისე შორი-შორს ვართ მე და ქარაფი..